Espainiako Gobernuak asiloa ukatu dio Egiptotik Loiura astelehenean iritsitako polizoiari
Espainiako Gobernuko Barne Ministerioak asilo eskaera ukatu dio astelehenean Kairo-Bilbo hegaldia egin zuen hegazkinean atzeman zuten polizoiari. 25 urteko egiptoarra aste hasieran atzeman zuten Bilboko Aireportuan, hegazkineko sotoan ezkutatuta, eta atxilotuta dute ordutik. CEAR errefuxiatuak babesteko elkarteak helegitea jarriko duela iragarri du.
CEAR Euskadik jakinarazi duenez, arrazoi erlijiosoengatik ihes egin zuen Egiptotik. Islamaren apostasia egin zuen, eta tratu txarrak jasan zituen horregatik. Umetan imam batek sexu-abusuak egin zizkiola eta horregatik ez duela Mahoman sinesten azaldu dio gaur Javier Galparsoro CEAR elkarteko presidente eta abokatuari. Gainera, homosexuala dela eta gizon batekin ezkonduta dagoela ere aitortu dio. Bere bizia arriskuan zegoelakoan, Egipto utzi, eta Bilbora heldutakoan, asiloa eskatu zuen. Dena dela, esan bezala, Barne Ministerioak ez du eskaera tramitera onartu, froga nahikorik ez duela argudiatuta, eta astelehenerako jarri diote kanporatzeko agindua.
Azken datu horiek gehituta, kanporatzeko prozesua geldiarazten saiatuko da CEAR Euskadi elkatea. Helegite bat aurkeztu du, eta Ministerioak bi egun ditu eskaera horri erantzuteko.
Egiptoar gazteak ez du inolaz ere aberrira itzuli nahi, espetxeratu edo torturatu dezaketelako. Ikusteko dago astelehenean Egiptora abiatuko den hegaldian deportatzen duten ala ez.
Zure interesekoa izan daiteke
Bi lagun zauritu dira hegazkin txiki batek Vianan izan duen istripuan
Bi pilotu ingeles dira zaurituak. 300 oin inguruko altueratik erori dira, Nafarroako Foruzaingoak jakitera eman duenez. Batek pronostiko larriko traumatismo kraneoentzefalikoa du, eta besteak pronostiko arinekoa.
Abian da mahats-bilketa, historiako goiztiarrena
Mahatsondoak ohi baino lehenago hasi dira fruitua ematen, eta Nafarroako Erriberan ekin diote jada mahatsa biltzeari. Inurrieta bodegan iaz baino astebete lehenago jarri dituzte martxan uzta biltzeko makinak.
Donostiak amaiera eman dio Aste Nagusi borobilari, gorabehera garrantzitsurik gabe
Insaustik nabarmendu du delituen kopurua % 45 jaitsi dela iazkoarekin alderatuta, eta pandemiaren ostean izan den kopururik txikiena izan dela.
Osakidetzak 211 pertsona artatu ditu eklipsearen ondorioz azken hiru egunetan
Ostegunean 59, ostiralean 70, eta azken orduetan 82 pertsona joan dira Euskadiko osasun-zerbitzuetara begietako sintoma arin edo oso arinekin.
Emakume gazte batek sexu-erasoa jasan du Algortako Portu Zaharreko jaietan
Ustezko erasotzailea atxilotu egin dute, larunbatetik iganderako goizaldean hari ukituak egitea egotzita.
Riglosko sutea geldiarazteko lanetan ari dira, gau lasaiagoa izan ostean
Sua itzaltzeko operatiboak mila lagun inguru izango ditu igande honetan, tartean Frantziako ehun bat suhiltzaile. Suteak 16.600 hektarea ingururi eragin die dagoeneko.
Azkoitiko kanpoko haur igerilekua itxi dute gizalegearen aurkako ekintza batengatik
Azkoitiko Udalak jakinarazi duenez, kanpoko igerileku txikia itxita egongo da gaur, bart gauean pertsona bat edo batzuk instalazioetara sartu eta haurren igerilekuan kaka egin ostean.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte. Azken egunetan, suhiltzaileak, baso-brigadak eta bost helikoptero aritu dira bertan lanean.
Piloiko lehen entzierro azkarra izan dute Faltzesko jaietan
Faltzesko piloiko lehen entzierroak zirrara handia eragin du minutu eskaseko lasterketan. Vicente Dominguezen behiek tentsio uneak sortu dituzte eta korrikalari bat Nafarroako Unibertsitate Ospitalera eraman dute, erori eta politraumatismoa egin baitu.
Bi emakume hil eta bi adingabe zauritu dira Ponferradatik gertu (Leon) izan diren uholdeetan
19:30 aldera jaso dute gertatutakoaren berri larrialdi zerbitzuek. Sei pertsona harrapatu ditu uholdeak.