Hiru pertsona atxilotu dituzte Donostian gizarte-prestazioetan 97.000 euroko iruzurra egiteagatik
Espainiako Poliziak hiru pertsona atxilotu ditu Donostian, erroldatze faltsu bati esker jasotako gizarte-prestazioetan 97.000 euroko iruzurrean parte hartzea egotzita.
Poliziak ohar baten bidez jakinarazi duenez, hiru atxilotuak senar-emazteak eta gizon bat dira. Ustez legez kanpoko errentamendu-kontratuen bidez erroldatzen laguntzen zuten.
Ikerketa Donostiako etxebizitza batean iruzurrez erroldatutako pertsona batzuk zeudela jakin ondoren abiatu zen.
Poliziek jakin zuten iruzurraren bultzatzailea gizon marokoar bat zela, eta bere etxean erroldatzea eskaintzen zuela, ordain ekonomiko baten truke.
Horretarako, alokatuta zuen etxebizitzaren jabearen sinadura ordezkatzen zuen, errentamendu-kontratu faltsuak egiteko. Kontratu horien bidez, hirugarren pertsonak legez kanpo erroldatzen ziren etxebizitzan.
Poliziek, orduan, modu faltsuan erroldatzen ziren pertsonengan zentratu zituzten ikerketak, eta horietako bat beste etxebizitza batean bizi zela antzeman zuten, bere emazte eta seme-alaba adingabeekin batera, eta bizikidetza-unitatea desegitearen itxurak egin zituela hainbat laguntza jasotzeko, hala nola Diru-sarrerak Bermatzeko Errenta eta Etxebizitzarako Prestazio Osagarria, 1.319,48 euro gizonarentzat eta 1.260,34 euro emakumearentzat, eta, beraz, senar-emazteek 2.579,82 euro jasotzen zituzten hilean.
Diru-laguntzak jasotzen hasi ote ziren ikertu ondoren, poliziek jakin zuten bikoteak 97.000 euro baino gehiago lortu zituela.
Ondoren, bi senar-emazteek mezularitza-enpresa batentzat lan egiten zutela egiaztatu zuten, kontraturik gabe, hilean 1.300 euro inguruko soldatarekin, eta diru-sarrera horiek aitortu gabe.
Gainera, jakin zuten gizonak 496 euro ere kobratzen zituela hilero langabeziagatiko sorospen gisa, kargak altxatzea eragozten zion elbarritasun bat aitortuta zuelako.
Azkenik, legez kanpoko diru-sarrera paralelo horiekin guztiekin, ikertutako senar-emazteek hilean 3.879 euro garbi kobratu zituztela ondorioztatu zuten poliziek.
Arrazoi horiengatik, abenduaren 20an hiru ikertuak atxilotu eta epailearen esku utzi zituzten, eta behin-behineko askatasunean geratu ziren, epaiketaren zain.
Errentatzaileari agiriak faltsutzea leporatu diote, legez kanpoko erroldatzeak errazteko alokairu-kontratu faltsuak sinatzeagatik, eta bikoteari, berriz, Ogasun Publikoaren eta Gizarte Segurantzaren aurkako delituetan parte hartzeagatik.
Zure interesekoa izan daiteke
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.
Osakidetzak iaz jarritako 168.000 txerto berrikusiko ditu, balizko gorabeheren bila
Gripeari eta COVID-19ari aurre egitekoak izan ezik (seguru dakite horiek ez zeudela iraungita), 2025ean inokulatutako guztiak aztertuko dituzte, badaezpada.
Elurrak eta izotzak zirkulazioa zaildu dute zenbait mendatetan larunbat honetan
Bernedoko mendatea itxita dago, errepidean elurra pilatu baita. Azazetan, Kurtzetan, Herreran edo Urduñako mendatean arreta handiz ibili behar da, eta Opakuan eta Izaban kateak behar dira.