Nikolas Segurola fraide, artzain eta bertsolaria hil da
Nikolas Segurola fraide, artzain eta bertsolaria hil da. 1939an Azpeitiko Matxinbenta auzoko Largarate Goikoa baserrian jaioa, 11 neba-arrebetatik zortzigarrena zen bera. Ardiekin zoriontsu zen baserrian, baina berak hala erabakita, Arantzatzura joan zen, ardiak negar zotinka agurtuta.
12 urterekin iritsi zen Arantzazura, 1951n, fraide ikasketak egitera, baina meza emateko inolako asmorik gabe.
Ia 70 urte egin zituen Arantzazun, eta gustura ibili zen Gomiztegi baserriko abelburuekin. Arantzazun zeuden fraideentzat jatekoa sortzea zen Gomiztegiren zeregina, baina urteek aurrera egin ahala, bestelako eskola profesionalak sortzen hasi ziren, eta fraide kopurua nabarmen murriztu zen Arantzazun. Hala, Gomiztegirekin zer egin aztertu behar izan zuten. Azterketak eginda, ordura arteko behi, txerri eta oiloak kendu eta ardiak jartzea erabaki zuten, Segurolaren pozerako, eta hor landatu zen Arantzazuko artzain-eskolaren hazia.
2016an, Nikolas Segurola: Fraide, artzain eta bertsolari omenaldi liburua plazaratu zen. Iñaki Beristain zenak haren alde erlijiosoa landu zuen, Eduardo Urartek haren artzain bizimodua eta Xabier Euzkitzek bertsolaritzari zegokiona; izan ere, hori guztia zen Nikolas Segurola, eta hala aipatzen zuen berak ere: bokazioz fraide, lanbidez artzain eta zaletasunez bertsolari zela.
Zaletasunaren harira, mila bertso baino gehiago zituen eginda, eta Arantzazuko liburutegian daude gordeta.
2020ko urtarrilaren 26an, "Baserritarron laguna" saria jaso zuen.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.