Urteko lehen abisu horiak elurragatik, ostiraletik aurrera, EAEn eta Nafarroan
Errege Magoen iritsierarekin eguraldiak okerrera egingo du, eta hotza, euria eta elurra izango dira nagusi datozen egunetan bai Euskal Autonomia Erkidegoan eta baita Nafarroan ere.
Ostiralean Euskal Herriko hainbat txokotan egingo diren Errege Magoen desfileei begira, euria egingo du eta zenbait tokitan ekaitza eta txingorra ere egin dezake. Euria erruz egingo du, Nafarroako Erriberan salbu.
Eusko Jaurlaritzako Segurtasun Sailak elurrari dagokion abisu horia ezarriko du ostiral gaueko bederatzietatik hasita eta larunbat osorako. Larunbatean, elur maila 700 metroraino jaitsiko da.
Euskalmeten iragarpenaren arabera, ostiralean elurraren maila 1000-1100 metro inguruan egongo da arratsaldean eta gauean 900-1000 metrora jaitsiko da.
Larunbatean elur-kota 800-1000 metro inguruan egongo da; egunak aurrera egin ahala 700-900 metrora jaitsiko da eta noizbehinka beherago ere egin dezake.
Bestalde, ostiral eguerditik larunbat goizeko bederatziak arte abisu horia indarrean egongo da Bizkaian eta Gipuzkoan, prezipitazio handiak espero baitira. Zaparradak sarriagoak eta ugariagoak izango dira eguerditik aurrera eta ipar isurialdean ekaitza eta txingorra ere egin dezake
Nafarroa
Nafarroan, berriz, abisu horia ezarri du AEMETek, Estatuko meteorologia agentziak, ostiral honetarako Kantauri isurialdean eta lurraldearen erdialdean, eurite handiak egin ditzakeelako.
Hasiera batean, goizeko lehen zatian espero ziren prezipitazioak eta egunean zehar gutxitzen joango zela uste zen. Iragarpena aldatu egin da, ordea, eta arratsaldean ere euria egitea espero da.
Horrez gainera, elurragatik ere abisu horia ezarriko du AEMETek lurralde osoan, Erriberan izan ezik ostiraleko 18:00etatik aurrera.
Euriagatik zein elurragatik ezarritako abisu hori hauek larunbat egun osoan ere indarrean egongo dira.
Ipar Euskal Herria
Oraingoz, Meteo Francek ez du inolako abisurik ezarri Ipar Euskal Herrirako.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.