Egoera konplikatua Euskal Herriko mendateetan elurragatik eta izotzagatik
Egoera zaila larunbat honetan Euskal Herriko errepideetan euriagatik, oro har, eta elurragatik eta izotzagatik, mendateetan.
Larunbateko 22:30ean, itxita zeuden Bernedo eta Herrera mendateak; kateak behar ziren Opakuan, eta kontuz gidatzeko abisua zegoen Aiurdin, Andatzarrate, Barazar, Gasteiz, Gatzaga, Kruzeta, Urduña, Urto eta Zaldiaran mendateetan.
Gainera, NA-137 errepidea (Burgi-Izaba-Frantzia) trafikorako itxi dute, elurragatik, 47. kilometrotik aurrera. Urtero bezala, NA-2011 errepidea (Zaraitzu-Frantzia, Iturzaetako lepoa) itxita eta neguko bide-zerbitzurik gabe egongo da 7. eta 20. kilometroen artean.
Nafarroako Foru Gobernuak zuhurtziaz gidatzeko gomendatu du, larunbat arratsaldetik igande goizera elur-kota 800 metroraino jaitsi daitekeelako.
Horrekin lotuta, Aemetek abisu laranja ezarri du larunbat honetako 14:00etan Nafarroako Pirinioetan, elurteak izateko arrisku handiagatik. Litekeena da 24 ordutan 25 zentimetroko geruza pilatzea.
Bestalde, Nafarroako Gobernuak elurra kentzeko 52 makina prestatu ditu larunbat honetarako, eta iganderako, berriz, 78 makina izango dira lanean.
Bestalde, Camino de Caparroso eta Playa de Caparroso lotzen dituen oinezkoentzako zubia itxi du Iruñeko Udaltzaingoak, azken euriteen ondorioz Arga ibaiaren mailak zubiarena gainditu duelako.
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.