Gripe eta covid kasuek gora egin dute berriro, baina ez hain nabarmen, eta ospitaleratzeak igo egin dira
Osakidetzaren Arnas Infekzioen azken zaintza-txostenak, 2024ko lehen asteari dagokionak, gripearen birusaren zirkulazioak berriro gora egin duela egiaztatzen du, aurreko asteetan baino modu ez hain nabarmenean izan bada ere, eta covid-19aren tasak, berriz, pixka bat gora egin du.
Monica Garcia Osasun ministroak iragarri duenez, osasun-zentroetan musukoak erabiltzea derrigorrezkoa izatetik "gomendagarria" izatera pasako litzateke azken bi asteetan arnas infekzioen kopuruan beherakada duten erkidegoetan. Ondorioz, EAEko intzidentzia-datu horiekin, maskarak nahitaezkoak izaten jarraituko du osasun zentroetan.
Era berean, Arnas Infekzio larrien tasa handitu egin da: 100.000 biztanleko 29,5 kasu izan ziren 2023ko azken astean, eta 33,8, berriz, aurtengo lehen zazpi egunetan.
Era berean, behera egiten jarraitzen dute bronkiolitisaren eta Arnas Birus Sinzitialaren diagnostikoek. Aurreko txostenean bezala, aztertutako azken astean (urtarrilaren 1etik 7ra) jaiegun bat dago, eta horrek "eragin nabarmena" du emaitzetan, Eusko Jaurlaritzak ohar baten bidez azaldu duenez.
Oro har, Arnas Infekzioen tasa 637,2 kasukoa izan da 100.000 biztanleko Lehen Arretako sarean, eta 2023ko azken astean 551,1 izan zen.
Infekzio kasu larrien tasa, hau da, Osakidetzako ospitale-sarean ingresatu behar direnena, handitu egin da: 100.000 biztanleko 29,5 kasu izan ziren 2023ko azken astean, eta 33,8, aldiz, 2024ko lehenengoan. Kasu gehienak 64 urtetik gorakoenak izan dira.
Ospitaleratzeetan gripearen kasu positiboen ehunekoa % 36koa da; aurreko astean % 37koa eta duela bi % 29koa. Covid-19aren kasuan, ehuneko hori % 11,6 da 2024ko lehen astean, % 10,7koa 2023ko azkenekoan, eta % 10 aurrekoan. Arnas Birus Sinzitialari dagokionez, ehunekoa honako hau da: % 14,1 lehenengo astean, % 10,6 2023ko azkenekoan eta % 20 aurrekoan.
Zure interesekoa izan daiteke
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.