Euskal kostaldera iritsitako plastikoen azterketak ez du baieztatu Galiziatik iritsitako pelletak direnik
Euskal kostaldera heldutako plastikoekin AZTIk eta Gaikerrek egindako azterketak ez du baieztatu Galiziatik iritsitako pelletak direnik, Josu Erkoreka lehen lehendakariorde eta Segurtasun sailburua buru izan duen Itsasertzaren Aholku Batzordearen bilera osteko agerraldian jakinarazi dutenez.
Bestalde, goizean Bilbon egin duten batzarrean erabaki dute larrialdi plan berezia alerta egoeran uztea, ez baitago larrialdi fasera igarotzeko arrazoirik.
"Eskuarki Euskadiko hondartzetan eta uretan aurkitzen ez dugun kontaminatzaile bat da, dentsitate handiko polietileno bat. Dena den, ezin dugu jakin polietileno horrek duen gehigarri portzentajea, eta, beraz, ezin dugu ondorioztatu Galiziako isuritik datorrenik", esan dute.
"Batez ere Bizkaiko kostaldean jaso ditugu laginak, baina oso gutxi dira, eta denbora luzez hondarra ukitzen egon diren plastikoak dira", erantsi dute.
Horregatik, nabarmendu dute, baliteke normalean itsasoan aurkitzen ez diren laginak izatea, nahiz eta ezin duten baztertu Toconao ontziaren isuritik datozenik. "Ez datoz turrustan, hori dela eta, kasik ezinezkoa da nondik datozen jakitea", adierazi dute. Dena den, arrantzan eraginik ez dutela azpimarratu dute, orain arte bezala arraina kontsumitzen jarrai dezakegulako.
AZTIk, bere aldetik, mahai batera deitu ditu Jaurlaritza eta aldundiak, gaiaren jarraipena egiteko asmoarekin.
Bizkaiko hondartzetara ez da plastiko gehiagorik heldu
Bizkaiko Foru Aldundiak esan du ez dutela nabari Bizkaiko hondartzetan aurkitutako pelet edo plastiko kopurua handitu denik, "oso gutxi baitira eta oso sakabanatuta baitaude". Bizkaian, Arenan (Muskiz) eta Sopelan aurkitu dituzte pinportak.
Donostian ez dute pelletik aurkitu
Donostiako Ekologia zinegotzi Marisol Garmendiak baieztatu du Udalak ez duela Donostiako hondartzetan Galiziatik iritsitako plastikorik antzeman.
Komunikabideen aurrean egindako adierazpenetan, Garmendiak ziurtatu du garbiketa zerbitzuak hondartzak miatzen aritu direla, eta ez dutela pinportarik aurkitu.
"Hiru Anaiak" eta "Rokillo" ontzien aurkezpena
Bihar aurkeztuko dituzte Santurtzin itsasoan pelletak jasotzen arituko diren "Hiru Anaiak" eta "Rokillo" ontziak. Itsasertza ekimenaren parte dira ontziok, eta helburu dute pelleten iritsierak euskal kostaldean ekar lezakeen krisia arintzea.
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Atzerritarrei buruzko Legearen Erregelamenduaren azken erreformak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.