Hau da Jundizko istripuaz orain arte dakiguna
21 urteko gizon bat eta 18 urteko emakume bat hil ziren larunbat goizaldean Gasteizen, Jundizko industrialdean, bi autok talka eginda. Hau da orain arte Jundizko istripuaz dakiguna.
- Bi hildako eta hiru zauritu
Potentzia handiko BMW batek eta Volkswagen Polo batek talka egin zuten ostiraletik larunbaterako goizaldean Jundizko industrialdean, eta, ondorioz, auto txikian zihoazen 21 urteko gizon bat eta 18 urteko emakume bat hil ziren. Halaber, auto horretako gidaria, 20 urteko gizona, larri zauritu zen eta ibilgailu horretako laugarren bidaiaria, gidariaren alboko eserlekuan zihoan emakume bat, arin zauritu zen. Horrez gain, BMWko gidaria arin zauritu zen.
- Legez kanpoko lasterketaren hipotesia ia guztiz baztertu dute
Gasteizko Udaltzaingoak ezbeharraren nondik norakoak ikertzen jarraitzen du. Iñaki Gurtubai Gasteizko Udaleko Segurtasun eta Trafiko zinegotziak "zuhurtziaz" hitz egin du, baina ia guztiz baztertu egin du bi ibilgailuak legez kontrako lasterketa batean parte hartzen ari zirela. "Ez du zentzurik, BMWan pertsona bakarra zihoan, eta Poloan, lau", erantsi du.
Lehen zantzuen arabera, BMWa abiadura bizian zihoan bidera ateratzen ari zen Volkswagen Poloa jo zuen.
- BMWko gidaria ikertzen ari dira ausarkeriaz gidatzeagatik
Gasteizko Udaltzaingoa BMWko 23 urteko gidaria ikertzen ari da, bide segurtasunaren aurkako delitu batengatik ustez ausarkeriaz gidatzeagatik.
- Herritarren laguntza
Istripua ikusi zuten herritarrei dei egin diete Gasteizko Udaltzaingoarekin harremanetan jartzeko, 092 edo 945 158 000 telefonoen bidez. Hainbat pertsonak lekuko gisa deklaratu dute, eta ezbeharrean arin zauritutakoak ere galdekatu behar dituzte oraindik.
- Jundizko segurtasun kamerak
Jundizko industrialdeko enpresetako segurtasun kamerek grabatutako irudiak eskatu dituzte, istripuaren nondik norakoak argitzen saiatzeko.
- Poliziaren presentzia
Iñaki Gurtubai Gasteizko Udaleko Segurtasun eta Trafiko zinegotziaren hitzetan, Udaltzaingoak zaintza lanak egin zituen ostiralean Jundizen, 23:00etatik 01:30era. "Tarte hartan ez zen aparteko ezer gertatu, eta zeuden ibilgailu gehienak, 50 bat, joan egin ziren. Polizia joan zenean auto batzuk baino ez ziren geratzen han, eta tartean ziren istripua izandako biak", argitu du.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.