Asteburuak zero azpiko tenperaturak utziko ditu
Juan depresioaren ondorioz, asko jaitsiko dira termometroak egunotan, ostegunean baino 10 ºC baxuagoak ere izan daitezke toki askotan, eta, hori ikusirik, abisu horiak ezarri dituzte astebururako Euskalmetek nahiz Aemetek, hotzagatik EAEn eta elurragatik Nafarroan.
Erriberan, abisu horia izango da indarrean ostiraleko 13:00etatik 21:00etara, elurragatik; izan ere, 24 orduan 4 cm pila litezke. Pilaketa handienak 600-700 metrora izango diren arren, edozein mailatan bota dezakeela esan du Aemetek.
Eusko Jaurlaritzako Segurtasun Sailak, bere aldetik, tenperatura hotzagatik eta izotzagatik ezarri du abisu horia, eta asteburu osoan egongo da indarrean. Barnealdea abisupean egongo da ostiralean (18:00etatik 00:00etara) izotz arriskuagatik, batez ere egunaren amaieran eta Araban.
Larunbatean, abisua EAE osora zabalduko da, gauerditik 10:00ak arte. Euskalmeten iragarpenaren arabera, tenperatura minimoak jaitsi egingo dira, eta -2 ºC-ra ere jaits litezke barnealdeko puntu askotan. Kostaldean, 0 eta 3 ºC artean kokatuko dira. Termometroak -1 ºC-ra jaits daitezke Donostian eta Baionan, eta are gehiago Gasteizen, bertan zeropetik bost gradu espero baitira.
Nafarroako zati handi bat (Erribera izan ezik) abisupean egongo da arrazoi beragatik. Aemet Espainiako Meteorologia Agentziaren aurreikuspenaren arabera, Foru Erkidegoaren erdialdean, Pirinioetan eta isurialde atlantikoan -4 ºC-ko minimoak erregistra daitezke.
Igandean, tenperatura minimoak eta izotza direla eta, abisu horia egongo da indarrean (00:00-10:00), baina Araban bakarrik izango du eragina. Euskalmeten iragarpenaren arabera, izotz txikia edo ertaina egingo du, eta goizean behe-lainoa egon daiteke, batez ere hegoaldean.
Zure interesekoa izan daiteke
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.