EH Bilduk Trans Legearen erreforma babestu egingo du, EAJ eta PSE-EE alderdiekin akordioa lortu ondoren
Trans Legea erreformatzeko EAJk, PSE-EEk eta Elkarrekin Podemos-IUk egindako lege proposamena babestu egingo du EH Bilduk Eusko Legebiltzarrean, jeltzaleekin eta sozialistekin akordioa lortuta. Horren arabera, koalizioak egindako hainbat proposamen jasoko dira jatorrizko testuan. Txostena gaur onartuko da, batzordean.
Ikoitz Arrese EH Bilduren legebiltzarkideak ohar batean jakinarazi duenez, "hainbat hobekuntza txertatzea" adostu dute EAJrekin eta PSE-EErekin, eta horri eskerrak, "trans pertsonen eskubideak hobeto defendatu eta bermatuko dira". Legeak izango duen babes parlamentario zabala nabarmendu du: "Oso garrantzitsua da Legebiltzarrean adostasuna hain handia izatea eta jendarteari mezu argi bat bidaltzea, LGBT+fobiak eta transfobiak oso presente jarraitzen dutelako eta eskuin muturretik gorroto diskurtsoak elikatzen ari direlako".
Legean txertatuko dituzten "hobekuntzen" artean, ondorengoak aipatu ditu Arresek: batetik, "legeak trans pertsonei buruz hitz egingo du, definizio inklusibo bat eginez, transexual eta transgenero bezalako kontzeptuak gaindituz", eta bestetik, "legeak trans pertsonen eta mugimenduaren memoria berreskuratzeko eta zabaltzeko egun bat izendatzea jasoko du, bai eta aitortza eta oroimen espazioak sortzea ere".
Bestalde, EH Bilduk azpimarratu du legeak "lan hitzarmenetan klausulak txertatzea" ere bultzatuko duela, "enplegu arloan, pribatuan zein publikoan, trans pertsonen diskriminazioa saihesteko".
Gainera, oharraren arabera, "gizarte-zerbitzuen hasierako esku-hartzea" aurreikusiko du legeak, "familietan gatazka edota sufrimendu egoerak gertatuz gero, adin txikiko trans pertsonen aitortza dela eta".
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.