Duela lau urte Zaldibarko zabortegia behera etorrita hil ziren bi lagunak gogoratu dituzte senide eta lagunek
Zaldibarko bizilagunek eta Joaquin Beltran eta Alberto Sololuze duela lau urte Zaldibarko zabortegia erori zenean hil ziren bi langileen senide eta lagunek oroimen ekitaldia egin dute igande honetan, istripua izan zenetik lau urte betetzeko bi egun falta direnean.
Zaldibar Argitu elkarteak antolatu du ekitaldia, hondamendia oroitzeko eskulturaren ondoan. Bertan, lore eskaintza egin dute hildakoen omenez, eta agiri bat irakurri dute erantzukizunak ez direla oraindik argitu salatzeko.
Bertan gogorarazi dutenez, prozesu penala itxi ostean, ingurumenaren aurkako delituen auziak aurrera egiteko "itxaropena" dute orain, baina instrukzio-fasean jarraitzen du, lau urte geroago. "Horrekin dena esanda dago", deitoratu dute.
Iragan azaroan, "Eusko Jaurlaritzako norbaitek deklaratu zuen lehen aldiz, eta Jaurlaritzak dena ondo egin zuela esan zuen", adierazi dute.
Ikerketa judizial horren ondorioak ezagutzeko, "instrukzioa ahalik eta lasterren" amaitzeko eskatu du Zaldibar Argitu plataformak, eta, aldi berean, inongo euskal ordezkari politikok ez duela erantzukizunik bere gain hartu kritikatu dute.
Ezbeharra
2020ko otsailaren 6an, arratsaldeko lehen orduan, Verter Recycling enpresak Zaldibarren kudeatzen zuen zabortegia behera etorri zen, eta 800.000 metro kubiko zabor eta lur baino gehiago joan ziren mendian behera AP-8 errepideraino. Bidean, instalazio horretako bi langile lurperatu zituen.
Hondamendia izan eta ordu batzuetara, bi langileak bilatzeko lanetan hasi ziren, eta hilabeteak eman zituzten horretan. Alberto Sololuzeren gorpua abuztuan aurkitu zuten, baina Joaquin Beltranena ez zen agertu. Hala, 2021eko maiatzean, desagertutzat jo, eta bilaketa bertan behera utzi zuten.
Zabortegian ezohiko lur-mugimenduak izaten ari zirela jakinarazi zion Beltranek enpresari istripua gertatu baino egun batzuk lehenago, baina inork ez zuen neurririk hartu.
Hainbat egunetan, suteak izan ziren arrastaka eramandako lur eta hondakin artean, amiantoa zein bestelako gai toxikoak tartean, eta horrek eragina izan zuen eskualde horretako airearen kalitatean hainbat astetan.
Eusko Jaurlaritzak bere gain hartu zituen lursaila egonkortzeko, lur-jausi gehiago saihesteko eta bi langileak bilatzeko lanak egiteko kostuak, eta, lan horiek direla eta, 28,8 milioi euro eskatu zizkion Verter Recycling enpresari.
Bestalde, enpresak 1,4 milioi euroko kalte-ordaina eman zion Joaquin Beltranen familiari eta 1,3 milioi eurokoa Alberto Sololuzerenari, eta zuhurtziagabekeriaz egindako giza hilketagatik abiatutako auzi penala itxi zen.
Ingurumenaren kontrako delituengatik hasitako prozesu judizialak irekita daude oraindik, irregulartasunek erorketan zerikusirik izan ote zuten eta hainbat urtetan meta zitzaketen baino hondakin gehiago jaso ote zituen argitzeko, besteak beste.
Zure interesekoa izan daiteke
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.