Melgosaren iritziz, sexu erasoen aurrean gizonek erantzun bat eman behar dute: "Batzuek dagoeneko egin dute"
Berdintasun, Justizia eta Gizarte Politiketako sailburu Nerea Melgosak azpimarratu du gizonek "paper garrantzitsua" bete behar dutela indarkeria matxistaren aurkako jardunean. Horixe adierazi du Radio Euskadiko "Boulevard" saioan egin dioten elkarrizketan, Tolosan eta Azpeitian azken egunetan izan diren erasoak hizpide: "Erasotzaileak gizonezkoak dira, hortaz, haiei dagokie erantzun bat ematea. Hortxe jarri beharko genuke fokua".
Oro har, gizarteak gisa horretako erasoak onartzen ez dituela iritzita, esan du erakundeek, gizarteak eta komunikabideek "mezu positiboak" zabaldu behar dituztela, garrantzitsua delako "emakumeek jai giroaz gozatzeko aukera izatea". Horregatik, arriskutsutzat jo du gure gizartean hain zabaldua dagoen "etxera bakarrik joateak beldurra ematen digu" mezua. "Emakumea ahalduntzen jarraitu behar dugu, eta horretarako, erramintak bilatu behar ditugu. Erakundeen berdintasun planetan herri bakoitzak dituen toki arriskutsuak jaso behar dira, emakumeak etxera lasai joateko aukera izan dezaten", erantsi du.
Gaia erabat aldatuta eta bihar Legebiltzarrean onartuko duten haurren legea mintzagai, Melgosak eskerrak eman nahi izan dizkio Elkarrekin Podemosi, hasieratik "dena eman" duelako. "Lege horri esker, haurrek ahotsa izango dute. Horrela, arduratsuagoak izango dira parte hartzeko orduan, eta etorkizunean herritar hobeak bilakatuko dira", azaldu du. Biharko saioan aurrera aterako den bigarren legeaz (elkartasunerako legea) esan du "migrazio prozesuak erraztu" eta "mundu hobeago bat" ekarriko duela, eta hirugarrenaren inguruan ("trans legea"), "gizartean ditugun pertsona guztiak" ikusgai bihurtuko direla, "legeak babestuta, gainera".
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.