Horrelakoa izango da etorkizuneko Abando auzoa: parke erraldoi bat, geltokiaren ganga historikoan integratuta
"Abando Taupadak" proposamenak irabazi du etorkizuneko Abando auzoko diseinu urbanistikoa erabakitzeko Bilboko Udalak antolatutako proiektu-lehiaketa.
Hain zuen, OVE Arup & Partners SAU/ Arquitectura Agronomia, S. L. P/ G&C Arquitectura y Urbanismok osatutako taldearen proposamena aukeratu du epaimahaiak, aurkeztu diren bost proposamenetatik egokiena delakoan.
Proiektu irabazlea etorkizuneko parke zentralaren jarraitutasuna indartzeko premisatik abiatzen da, eta, geltokiaren barruan, ganga historikoarekin integratzen du espazioa.
Aldiz, eraikinak eta ekipamenduak espazioa askatzeko eta Abandotik parkera diagonaleko ikusizko lerroak sortzeko antolatzen ditu.
Ildo horretan, zuhaitzek parkea zatitzen dute, eraztunen bidez: kanpoko perimetroan, tamaina handiagoko landareak daude, eta, erdiguneetan, landare gutxiagoko eremu argiagoak. Hala, parkea Hurtado de Amezaga kalearekin lotzen da, geltokiko gangaren barrualdetik. Ardatz nagusiak geltokiari zerbitzua ematen dion kiss and ride motako gune bat ere badu, hau da, ibilgailu pribatuen egonaldia mugatuta daukan eremu bat.
Bestalde, etxebizitzak etxadi urratuetan antolatzen dira, oinezkoen eta ibilgailuen fluxuari erantzuteko. Gainera, bizitegi-blokeak altuera desberdinetakoak dira, eguzki-argitasun handiagoa lortzeko.
"Abando Taupadak" proiektuak puntuaziorik altuena lortu du antolamendu-proiektua etorkizuneko lurpeko geltokiarekin integratzeko moduari dagokionez, Bilboko Udalak azaldu duenez: ganga historikoa kontserbatzeko formula, oinezkoen eta ibilgailuen sarbideak eta sestra gaineko urbanizazioa, besteak beste. Era berean, oso positibotzat jo du epaimahaiak mugikortasun-zerbitzuen (taxiak, autobusak...) integrazioa eta funtzionaltasuna, bai eta bizikletak aparkatzeko eremu bat izatea ere.
Zure interesekoa izan daiteke
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.