Tolosako istiluetan zauritutako hirugarren pertsona batek salaketa jarri du
Tolosan (Gipuzkoa) inauterietako astelehen goizaldeko gertakariekin lotuta, beste salaketa bat egon dela baieztatu du Tolosako Udalak.
Otsailaren 12ko goizaldean Tolosan, igande gaueko inaute festaren testuinguruan istiluak izan ziren. Taberna batean abiatu eta kalean jarraitu zuen borroka bat sakabanatzeko asmoz, Ertzaintzak karga egin zuen, Beotibar kalean, hain justu. Foam jaurtikigailuez baliatu zen horretarako, eta horietako batek begian jo zuen Xuhar gazte villabonatarra.
16 urteko gaztearen familiak salaketa jarri zuen epaitegian, eta elkarretaratzea egin zen larunbatean gertatutakoa salatzeko. Hori izan zen lehen salaketa, baina elkarretaratzean bertan Xuhar mutikoaren aitak jakinarazi zuen gertakari haietan bertan beste adin bereko gazte bat ere zauritu zutela, eta sudur inguruan duela jaurtigailuak eragindako kolpea.
Asteazken honetan jakin da hirugarren neska gazte bat ere zauritu zela gertakari haietan. Tolosako udalak berretsi du, neska horren familiak jarri duela bigarren salaketa hori.
Testuinguru horretan, Josu Erkoreka Segurtasun sailburuak baieztatu du bere Sailak eta Ertzaintzak hiru ikerketa ireki dituela Tolosakoaren harira, baina baztertu egin du zauritutako pertsonetako bi kargaren ondorioz zauritu izana.
Horren esanetan, pertsona horietako batek "ukabilkada bat" jaso zuen aurpegian, beste batek emanda, eta horregatik deitu zioten Ertzaintzari.
Era berean, Erkorekak zehaztu duenez, gaur ezagutu den salaketa aurkeztu duen emakumeak "botilakada" bat jaso zuela esan zien osasun-langileei.
16 urteko gazteari, ebakuntza
Bien bitartean Xuhar gaztearen familiak aditzera eman duenez, mutilari atzo egin zioten ebakuntza begian. Senitartekoek jakinarazi dutenez, erretina gehiago alboratu ez dadin lortu dute medikuek.
Gaztaren gurasoek gertatutakoa argitzeko eskatu dute eta, Ertzaintzaren barruko barne-ikerketa abian da, gertatutakoa argitzeko.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.