Euskadik abisu horia eta alerta laranja ezarriko ditu asteburuan elurra, olatu eta haize indartsuengatik
Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia eta alerta laranja txandakatuko ditu asteburu honetan, 1.000 metrotik beherako elurragatik, 5 metrotik gorako olatuengatik eta 100 km/h-tik gorako haize-bolada gogorrengatik, Eusko Jaurlaritzako Segurtasun Sailak jakinarazi duenez.
Ostiral honetan, abisu horia ezarri dute 24:00ak arte, barnealdean elurra egiteko arriskuagatik. Elur-kota 800 metro inguruan kokatuko da. Bihar, larunbata, kota hori 700 metrora jaitsiko da goizean, baina arratsaldean berriro hasiko da gora egiten, eta igandean 1000 metrotik gora kokatuko da.
Gainera, ostiral honetan itsasaldeko arriskuagatik abisu horia ezarriko da berriro nabigaziorako, 00:00etatik 12:00etara, eta alerta laranja 12:00etatik 00:00etara. Olatuen altuera adierazgarria 4 metro ingurukoa izango da, eta egunaren bigarren partean gora egingo du, 5 metro inguruan kokatu arte.
Olatuen ezaugarriak eta mendebaldeko haize bizia direla eta, pasealeku eta malekoietan zipriztinak eta marruskadurak sortuko dira, batez ere itsasgoraren inguruan. Hori dela eta, beste abisu hori bat ezarri dute 12:00etatik 00:00etara, ur-proiekzioengatik eta zipriztinengatik.
Halaber, itsasaldeko arriskuagatik abisu horia egongo da indarrean: 16:00etatik 18:00etara. Olatuaren altuera adierazgarria 5 metrokoa izango da.
Larunbatari dagokionez, abisu horia ezarri da 00:00etatik 15:00etara, goizaldean elur-kota 500-600 metro ingurukoa izango baita; goizean gora egingo du, eta eguerdian 700-800 metrotan kokatuko da.
Kantauri isurialdean zaparrada txiki-ertainak espero dira, batez ere kostaldean, eta gainerakoan zaparrada txikiak eta sakabanatuak, noizbehinka ertainak, egunaren lehen partean ekaitzak eta txingorra botatzeko probabilitatearekin.
Gainera, itsasaldeko arriskuagatik alerta laranja ezarriko da nabigaziorako 00:00etatik 18:00etara, olatuen altuera adierazgarria 5 metrotik gorakoa izango baita. 18:00etatik 24:00etara, alarma-maila abisu horira jaitsiko da.
Larunbat honetan ere, 00:00etatik 18:00etara, ibilaldi eta malekoietan zipriztinak eta marruskadurak izango direla ohartarazi dute, batez ere itsasgoraren inguruan, olatuen ezaugarriak eta mendebaldeko haize bizia direla eta.
Alerta laranja larunbat goizean aktibatuko da berriro, 3:00etatik 07:00etara, eta arratsaldean, 15:00etatik 19:00etara, kostaldeko inpaktuagatik, 5 metrotik gorako olatuekin.
Igandean bertan behera geratuko dira alerta laranjak, baina abisu horiak egongo dira egun osoan nabigaziorako, eta kostako eraginagatik goizaldeko lauetatik seietara.
Gainera, beste abisu hori bat gehituko zaie haize gogorragatik, bereziki mendebaldeko mendialdean, 100 km/h-tik gorako ufadak espero baitira.
Oso haizetsuak ez diren lekuetan 60-80 km/h abiadura harrapatuko du haizeak, Araban batik bat.
N-634 errepidea, itxita
Zarautz eta Getaria arteko N-634 errepidea itxi egingo da larunbatean, otsailaren 24an, 03:00etatik aurrera, astebururako alerta laranja eman delako itsaso eta kostako arriskuagatik, bost metrotik gorako olatuekin, Gipuzkoako Foru Aldunditik jakinarazi dutenez.
Bada, errepidea itxita dagoen bitartean, lurralde eremuko ordezko ibilbide gisa AP-8 autobidea eta N-634 errepidea (Zumaia-Getaria) erabiltzea gomendatu du foru erakundeak, eta ibilbide lokal gisa, berriz, Zarautz - GI-2633 (Meaga) - GI-3391 - Getaria ibilbidea.
Zure interesekoa izan daiteke
% 77,8ra igo da Euskadi anitz batean bizi nahi duten herritarren kopurua
Ikuspegiren azken txostenaren arabera, herritarren % 24,2k onartu du azken urtean diskriminazio-egoeraren baten lekuko izan direla eta % 14,6k diskriminazio motaren bat jasan duela aitortu du, lanpostu bat edo alokairuko etxebizitza bat lortu nahi izan duenean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek greba astean jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
CCOO sindikatuak ez du lekukorik eramango aurtengo Korrikan
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.