Lau urteko kartzela ezarri diote Iruñean bikotekideari tratu txarrak eman eta sexu erasoa egin zion gizonari
Iruñeko Zigor Arloko 5. Epaitegiak lau urte eta hiru hilabeteko kartzela zigorra ezarri dio Iruñeko gizon bati, bikotekideari tratu txarrak eman eta sexu erasoa egiteagatik, Nafarroako Justizia Auzitegi Nagusiak gaur zabaldutako epaiaren arabera. Epaia ez da irmoa, eta, hortaz, helegitea jar dakioke Nafarroako Auzitegian.
Kartzela zigorraz gain, 41 urteko gizona ezingo da emakumearengandik 200 metrora hurbildu, 5.000 euroko kalte ordaina eman beharko dio eta ezingo da zortzi urtean berarekin harremanetan jarri.
Epaiaren arabera, gizonak eta emakumeak bikote harremana izan zuten 2008tik 2022ko otsailaren 14ra bitartean, eta bi haur izan zituzten.
2014tik aurrera, lehen haurraren jaiotzarekin batera, zigortua "modu sistematikoan" tratu txarrak ematen hasi zen bikotekideari, eta egoera areagotu egin zen bigarren jaiotzarekin.
Halaber, "mespretxuz hitz egiten zion, erantzun txarrak eman, nazka aurpegiarekin begiratu, ezer esan gabe etxetik joaten zen eta ez zuela ezertarako balio esaten zion".
Epaiak zehazten ez duen 2018ko egun batean, zigortuak lepotik heldu zion bikotekideari, bien alabaren aurrean, eta ate baten aurka bultzatu zuen, ateko kristala hautsiz. Emakumeak Polizia Nazionalari deitu zion eta agenteak etxera agertu ziren.
Bestalde, emakumea sexu harremanak izatera behartzen zuen.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.