Abisu horia ezarri dute elurragatik, haizeagatik eta nabigaziorako arriskuagatik datozen orduetan Euskadin
Gaur arratsaldean aldaketa garrantzitsuak etorriko dira. Haizeak mendebal/ipar-mendebaldera egingo du eta zakartu egingo da, zerua estaliko da, euria hasiko du eta tenperaturak behera egingo du. Gauean elur-kota 800-1.000 metrora jaitsi daiteke.
Egoera horren aurrean, Eusko Jaurlaritzako Segurtasun Sailak abisu horia ezarri du barnealdean elur-arriskuagatik. Abisua indarrean egongo da 21:00etatik ostiraleko 03:00ra.
Elur-kota jaisten joango da gaur arratsaldean, eta 800-1.000 metrora kokatuko da goizaldean, eta 1.300-1.500 metrora ostiral arratsalde-gauean. Kantauri isurialdean prezipitazio txikia espero da goizaldean eta arratsalde-gau partean ertaina.
Abisu horrekin batera, beste abisu hori bat aktibatuko dute haizeagatik Bizkaiko eta Gipuzkoako haizeguneetan, 15:00etatik 00:00etara. Mendebaldeko eta ipar-mendebaldeko haize-boladek 90-100 km/h-ko abiadura gaindi dezakete Bizkaiko eta Gipuzkoako haizeguneetan, bereziki mendebaldeko kostaldean. Haizeguneak ez diren lekuetan haize-boladak 60-80 km/h-koak izango dira.
Itsasoari dagokionez, Segurtasun Sailak abisu horia ezarri du itsasaldeko arriskuagatik lehen bi milietan, 15:00etatik ostiraleko 00:00etara.
Olatuen altuerak gora egingo du egunean zehar, gauean 3.5 metrotik gora eta goizaldean 4 metrora iritsi arte.
Ostiraleko iragarpenari dagokionez, ia ez du euririk egingo. Goizaldean eta gauean baliteke kantauriar isurialdean prezipitazioak izatea, baina, gainerako orduetan, eguraldia lasaiagoa izango da: goizean eguzkia eta hodeiak egongo dira eta arratsaldean hodeiak ugarituko dira. Elur-kota 900-1.000 m inguruan kokatuko da goizaldean eta 1.200 m inguruan gauean. Mendebaldeko haizea ibiliko da, eta goizean hego-mendebaldekoa nagusituko da.
Ez da baztertzen izotza egitea Araban eta Nafarroako hegoaldean, goizean goiz.
Larunbatean, berriz, goizean eguraldi atsegina espero da eta eguerditik aurrera okerrera egingo du. Goizean haizeak hego-mendebaldetik joko du eta ostarte txiki batzuk irekiko dira. Gainera, tenperatura maximoak jaitsi egingo dira, baina ez dira hotzak izango.
Erdialdeko orduetan, haizeak ipar-mendebaldera egingo du indarrez, prezipitazioak orokortu egingo dira eta tenperaturak azkar jaitsiko dira. Arratsalde-gau partean ekaitzak eta txingorra botako du eta arratsalde-gau partean elur-kota 1.000 metrotik behera egon daiteke.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.