Heriotzaren Harana tandemean zeharkatu du DaleCandela elkarteak, ELA gaitzari ikusgarritasuna emateko
'Heriotzaren Harana tandemean'. Goiburu hori du DaleCandela elkarteak alboko esklerosi amiotrofikoa (ELA) bistaratzeko eta gizartea sentsibilizatzeko abian jarriko duen hurrengo ekimenak. Oraingoan, Jaime Lafitak 650 kilometroko bidea egingo du tandemean Kaliforniako (AEB) Heriotzaren Harana zeharkatuz, zortzi etapatan banatuta.
Bilbon abiatuko da espedizioa apirilaren 6an, eta bizkaiko hiriburuan bertan amaituko da bi aste geroago, apirilaren 21ean, dokumental baten emanaldiarekin. Ekimen guztia DaleCadela elkartearen sare-sozialetan jarraitu ahal izango da zuzenean.
Lafitari 2016an diagnostikatu zioten ELA gaitza, eta handik hiru bat urtera, lagun talde batekin elkarlanean, elkartea sortu zuen. Ordutik, askotariko ekintzak antolatu dituzte, beti helburu hauekin: ELA gaitzari ikusgarritasuna ematea, ikerketarako dirua biltzea eta gizartea sentsibilizatzea.
Oraingoan ere, tandema aukeratu dute ibilbidea egiteko, antolatzaileen hitzetan, ELA gaixotasunarekin baduelako nolabaiteko "antzekotasuna": "ELA dutenen errealitatearen ispilua da tandema: gai dira aurrera egiteko, baina beti norbaiten laguntza behar dute", azaldu dute.
Proiektu berri honetarako hautatu duten tokiak ere badu bere azalpena. DaleCandelaren arabera, medikuntzan 'Heriotzaren Harana' kontzeptua erabili ohi da ikerketan aurrera egin ezinda atzean geratu diren proiektuei buruz aritzeko. Kasu gehienetan, finantzazio ezagatik ez atzera ez aurrea geratu diren egitasmoak dira. Horregatik jarri dio Lafitek bere buruari erronka hau.
Ibilbidean zehar Kaliforniako hainbat laborategi ere bisitatuko dituzte, eta neurologian punta puntako ikerketak zuzentzen ari diren adituekin egoteko aprobetxatuko dute.
Albiste gehiago gizartea
Basaurin eta Bilbon sexu-erasoak egiteagatik bi aldiz atxilotu ondoren espetxeratu dute
Ertzaintzak gizon bat atxilotu du, Bilboko Udaltzaingoarekin elkarlanean, sexu-askatasunaren aurkako bi delitu egiteagatik, emakume bati telefono mugikor bat indarrez lapurtzen saiatzeagatik eta biktimari lagundu nahi zion gizonari lesioak eragiteagatik.
EBko herrialde handiek ez dute babestu 2040rako emisioak % 90 murriztea. Orain, zer?
Besteak beste, Frantziak, Alemaniak, Italiak eta Poloniak ez dute babestu Europako Batzordearen proposamena, eta orain arteko EBren lidergo klimatikoa kolokan jarri dute.
"Neurri horien aurkako jarrerek negoziazioa zailtzen dute eta Europar Batasunak bloke moduan duen indarra apaldu egiten da"
Mundu mailako berotzearen ondorioz neurriak hartzea premiazkoa bada ere, Europar Batasuneko potentzia handiek, hala nola Frantziak, Alemaniak, Italiak eta Poloniak, uko egin diote 2040rako berotegi-efektuko isurketak % 90 murrizteko Europako Batzordearen proposamenari. Jon Sampedro BC3ko ikertzaileak azaldu du zeintzuk izan diren neurria ez babestearen arrazoi nagusiak.
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.