Zorigaiztoko ezbeharra
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Mallorcan lehorgailu baten barruan hilda topatutako 4 urteko haurraren kasua ikertzen ari dira

Zorigaiztoko ezbeharra atzo jazo zen Magaluf udalerriko etxebizitza batean. Antza, mutikoa etxetresna barrura sartu eta han geratu zen, ezin aterata.

Agentziak | EITB MEDIA

Azken eguneratzea

Mallorcan, Magaluf udalerrian, lehorgailu baten barruan hilda topatutako 4 urteko haurraren heriotza ikertzen ari da Guardia Zibila. 

Adingabea atzo, ostegunarekin, topatu zuten hilotz etxetresnaren barruan. Antza, hara sartu eta barruan geratu zen, ezin aterata.

Armatutako institutuaren arabera, 14:00ak aldera jazo zen ezbeharra s'Olivera etorbideko etxebizitza batean. 

Familiako iturrien arabera, mutikoa amamaren eta beste senitarteko baten zaintzapean zegoen. Uneren batean, emakumea kalera atera zen eta beste pertsona lo geratu zen. Amama etxera heldu zenean, haurra topatzen ez zuela eta, senitartekoa itzartu zuen, eta biek topatu zuten haurraren gorpua, lehorgailuaren barruan. 

Gizartea Eguneko Titularrak Umeak Balearrak

Zure interesekoa izan daiteke

Gehiago ikusi
Publizitatea
X