EAEko udaltzainak suzko armak eramatera behartzen dituen dekretua onartu du Jaurlaritzak
EAEko udaltzainak suzko armak eramatera behartzen dituen dekretua onartu du gaur Eusko Jaurlaritzaren Gobernu Kontseiluak. 'Euskal Autonomia Erkidegoko udaltzaingoen armamentua eta bestelako baliabide teknikoak eta defentsakoak eta horien hornidura arautzeko dekretua'. Izen hori du arauak, eta horren arabera, "erregelamenduz zehaztutako armak, bitarteko tekniko-operatiboak eta babes-bitartekoak eramango dituzte udaltzainek".
Gobernu Bileraren ondorengo agerraldian, Josu Erkoreka lehenengo lehendakariorde eta Segurtasuneko sailburuak esan du udaltzaingoen "homogeneizazioaren" bidez, horien "jarduera koordinatzea eta hobetzea" dela helburua. "Udal-autonomia errespetatuta, Euskadiko udaltzaingoen dotazioan, baliabide pertsonaletan, material teknikoetan, uniformeetan, ibilgailuetan eta beste hainbat alderditan nolabaiteko homogeneotasuna lortu nahi da", zehaztu du.
Besteak beste, testu berrian zehaztuta geratu dira udaltzainek erabiliko dituzten ibilgailuen edota soinean eramango duten segurtasun-ekipamenduaren ezaugarriak —"su-arma laburra, armaren zorroa, munizioa, balen kontrako polizia-babeserako txalekoa, eskuburdinak eta horien euskarria..."—, eta horien erabilerari buruzko oinarrizko irizpideak .
Euskal Autonomia Erkidegoko Poliziaren Legeak bezala, dekretu berriak dio alkateek erabaki dezaketela zerbitzu jakin batzuetan udaltzainek suzko armak ez eramatea. "Bizitzarako edo osotasun fisikorako arrisku larririk ez dagoen zerbitzuetan bakarrik egin ahal izango dute hori", esan du Erkorekak.
Bestalde, tokiko erakundeek bermatu beharko dute material guztia emakumeek eta gizonek berdin erabiltzeko egokituta egotea.
Gaurtik, urtebeteko epea izango dute udalek dekretu berrira egokitzeko. Agenteentzat "armak, munizioa, baliabide teknikoak eta defentsakoak" egokitu beharko dituzte, eta bulegoetan "segurtasuneko gune hotzak eta armategiak instalatu". 5.000 biztanletik beherako udalerrietan bost urteko epea izango dute horretarako.
Zure interesekoa izan daiteke
Arrautzaren prezioa % 5,1 igo da urrian, eta % 22,5 urtebetean
Behi haragia (% 17,8) eta kafea, kakaoa eta infusioak (% 16,2) ere asko garestitu dira; aitzitik, olioak eta koipeak (-% 33,5) eta azukrea (-% 13,5) merkatu egin dira.
Haizeak muturreko erregistroak utzi ditu Euskadin, 180 km/h-ko abiadurarekin haizeguneetan
Hego haizeak 180 km/h-ko ufadak utzi ditu Gorramendin, 160 km/h-ko abiadura hartu du Aralarren eta arazo puntualak eragin ditu aireportuetan.
51 urteko motozale bat hil da Urdazubin izandako istripu batean
Poste elektriko baten kablea erori da errepidera, gurutzatuta gelditu da, eta horrek eragin du ezbeharra. Hildakoa Zugarramurdiko bizilaguna da.
?fmt=webp-alpha&qlt=80)
Albiste izango dira: Euskal Selekzioaren eta Palestinaren arteko partidaren atarikoa, abisu horia haizeagatik eta Herri Urratsen aurkezpena
Gaurkoan Orain-en albiste izango direnen laburpena, bi hitzetan.
20 etxebizitza eta kanpin bat jendez hustu dituzte Hondarribian, sute baten ondorioz
Jaizkibel mendian piztutako sutea kontrolpean hartu dute, baina suhiltzaileek sua itzaltzeko lanean jarraitzen dute. Horrez gain, Higerreko itsasargirako bidea itxi dute.
33 abelburu hil dira Karrantzako abeltzaintza ustiategi batean piztutako sutean
7 abelburu bizirik atera ahal izan dituzte. Suhiltzaileak lanean ari dira sugarrak itzaltzen saiatzeko.
Konpondu dira AP-8an Basaurin, Irunerako noranzkoan, sortutako auto-ilarak
Hainbat ibilgailuren arteko istripua izan da eta gutxienez bederatzi kilometroko auto-ilara luzeak sortu dira AP-8an, Basauri parean, Donostiako noranzkoan. Pertsona bat zauritu da eta errei bat itxita dago.
Triangelurik ez aurrerantzean, V16 baliza berria hemen da eta
Gailu berriak larrialdiko triangeluak ordezkatuko ditu matxurak edo istripuak seinaleztatzeko. Ibilgailuaren sabaian jartzen da autotik irten beharrik gabe, harrapatzeko arriskua murrizten du eta automatikoki abisatzen die DGTri eta larrialdi-zerbitzuei.
Elikadura-alerta zabaldu dute, Beiardi, Agort, Udabe eta Eroski marken gazta sorta batzuetan listeria atzemanda
Ohar batean, Eusko Jaurlaritzako Osasun Sailak jakinarazi du listeria monocytogenesa atzeman dutela Beiardi, Agort, Udabe eta Eroski marketako ardi eta behi esne gordinarekin egindako nahasketa onduko gaztetan.
Zirkulazioa normaltasunera itzuli da A-8 autobidean, Barakaldon, bi istripu tarteko arratsalde zail baten ostean
Arratsaldeko 16:00ak ondoren bi istripu gertatu dira, kilometro berean baina noranzko desberdinetan, eta auto-ilarak sortu dira.