Zaintza sistema publikoaren aldeko aldarriek kaleak bete dituzte M8ko manifestazioetan
Milaka emakume kalera atera dira berriz martxoaren 8ko manifestazioetan, matxismoari planto egin eta zaintza sistema publikoa aldarrikatzeko, testuingurua gero eta ilunagoa den honetan. Izan ere, negazionismo feminista gora egiten ari da etengabe, batik bat gazteen artean, eta gizartearen sentsibilizazioan atzerapausoak ikusteko arriskua gero eta nabariagoa da.
Horren aurrean, mugimendu feministak manifestazio jendetsuak deitu ditu Bilbon, Gasteizen, Donostian, Iruñean, Baionan eta beste hainbat lekutan, berdintasunaren alde borrokatzeko grinak bizirik dirauela erakusteko.
Horietan guztietan gehien entzun diren aldarrietako batzuk hauek izan dira: "Zaintzarekin negoziorik ez", "Etorkizunik ez zainketarik gabe", "Eskubideak denontzat" eta "Gora borroka feminista" klasikoa.
Manifestazioak eguneko zita garrantzitsuenak izan dira, ohi bezala, baina ez bakarrak. Horren ildotik, erakundeek, alderdiek eta sindikatuek ere ekitaldiak eta agerraldiak egin dituzte, berdintasunaren aldeko beste lelo batzuk ozen zabaltzeko. Besteak beste, adineko emakumeen papera, etxeko lanak eta etxeko langileen lan-baldintzak izan dituzte hizpide.
Emakume zaintzaileen "esplotazioa"
Mobilizazioen aurkezpenean Euskal Herriko Mugimendu Feministak salatu zuenez, egungo "sistema heteropatriarkal kapitalistak emakumeen lan-indarra esplotatzen du, bai etxean, bai enpleguan, baita zaintza-lanetan ere". Azpimarratu dutenez, emakumeek "doan eta inolako aitorpenik gabe" egiten duten lan horrek "zuzenean prekarietatera eta etengabeko zapalkuntza-egoeran bizitzera" kondenatzen ditu.
Horien arabera, neurri handi batean, emakume atzerritarren gain egon ohi dira zaintza-lanak, eta emakume horietako askok "esplotazio" egoeran edo baldintza penagarrietan egiten dute lan. Horrez gain, egoera irregularrean eta legeen mehatxupean aritzen dira asko. Beraz, egoera hori irauli eta zaintza-sistema publikoa eraikitzea aldarrikatu dute.
Halaber, emakume palestinarrekiko "elkartasuna eta maitasuna" ere oso presente egon da gaur, baita, nola ez, "indarkeria matxistaren ondorioz hildako, bortxatutako, jazarritako eta etxetik kanporatutako emakume eta neska guztiak" ere.
Emakunde Emakumearen Euskal Erakundeak ere dei egin die herritarrei mugimendu feministek eta emakumeen elkarteek martxoaren 8rako antolatutako mobilizazioetan "aktiboki parte hartzeko".
Emakunderen aurtengo kanpainak "Zuetaz harro" leloa du, adineko emakumeek berdintasunari eta, zehazki, emakume gazteenen ahalduntzeari egiten dioten ekarpena aitortzeko. Miren Elgarresta Emakundeko zuzendariaren hitzetan, "ahalduntzea emakumeen eta gizonen berdintasunerako eraldaketa sozialerako baldintza eta bermea da; emakumeen ahalduntzerik gabe, ez dago berdintasunik".
Horrela, Emakundek gizarte osoa gonbidatu du Berdintasunaren eta Indarkeria Matxistarik Gabeko Bizitzen Aldeko Herri Itunean parte hartzera.
Zure interesekoa izan daiteke
Imarkoainen piztutako sutea egonkortuta dute eta AP-15 autobidea zabalik da berriro
Sua 17:00ak baino apur bat lehenago piztu da, Iruñetik 10 kilometro eskasera dagoen zereal soro batean. Prebentzio neurri gisa, AP-15a itxita egon da tarteka, baita N-121 errepidea ere, eta gertu dagoen trenbide katenariaren argindar hornidura etenda egon da. Haizea itzaltze lanak zailtzen ari da.
Ekainean 207 pertsona hil ziren Hego Euskal Herrian beroak eragindako gorabeherengatik, eta beste 27 uztaileko lehen lau egunetan
Carlos III.a Osasun Institutuaren Eguneroko Hilkortasunaren Monitorizazio Sistemaren (MoMo) datuen arabera, Estatu osoan 153 pertsona hil ahal izan dira azken lau egunetan beroaren ondorioz, eta ekainean ia 1.000 izan ziren tenperatura altuei egotz dakizkiekeen heriotzak.
Nafarroako Larrialdi zerbitzuetako langileak "oso pozik", herritarrek hala nahi izanda, txupinazoa botako dutelako
Urte osoan zehar, eta Sanferminetan bereziki, lana erruz egin arren, euren ahaleginak ez du beti merezitako aitortza jasotzen. Aurtengo txupinazoa botatzeko ardura eman diete herritarrek, eta festetako lanari gogoz ekiteko pizgarri izango da hori osasun langileentzat. Clint Fernandez Larrialdietako zuzendariordeak eta Araceli Sergio erizainak igoko dira Udaletxeko balkoira, Larrialdietako langile guztien izenean.
Baso sute handia piztu da Imarkoainen
Sua 17:00ak aldera piztu da Nafarroako udalerri horretako pinudi batean. Bi helikoptero ari dira itzaltze lanetan, eta nekazariak traktoreekin ari dira laguntzen.
Busti Zaitez ekimenak ehunka pertsona bildu ditu esklerosi anizkoitza ikusarazteko eta horren ikerketa bultzatzeko
Esklerosi Anizkoitzaren Fundazioak antolatzen du urtero ekimena, eta aurten bost hondartzatan eta dozena bat udal igerilekutan egin dute. Helburua da herritarrak sentsibilizatzea gaixotasun neurologiko kroniko honen inguruan eta gaixoentzat dirua biltzea.
PETAk eta AnimaNaturalisek tauromakiaren "bekatua" salatu dute Iruñean
Urtero bezala, elkarte animalistek zezenketen aurkako ohiko 'performancea' egin dute Iruñeko Udaletxe plazan. Ekintzari izaera katolikoa eman diote. Hala, Jesukristo odoleztatu bat paratu dute plazaren erdian, eta inguruan, hainbat pertsona erdi biluzik, gorputza pintura gorriz zikinduta eta adarrak buruan. Manifestariek tauromakia gaitzesteko eskatu diote Leon XIV.a aita santuari.
Urnietako mendizale bat hil da Pic du Midi d'Ossautik jaisten ari zela
24 urteko gaztea 20 metro inguruko altueratik erori da beste lagun batzuekin Pic du Midi d 'Ossaun behera zihoala. Urnietako Udalak "tristura eta samina" agertu du heriotzagatik, eta familiarekin harremanetan da behar duen horretan laguntzeko.
11 pertsona zauritu dira Gironako sutean
Bost bizilagun, bost suhiltzaile eta Armadako kide bat dira zauritutakoak. Suhiltzaileek ohartarazi dutenez, gaur behintzat ez dute sutea kontrolpean hartuko. Gaur goizean konfinamendua altxatu dute, eta etxera itzuli ahal izan dira ebakuatutako herritarrak.
Txupinazorako ordu gutxiren faltan, festak errespetuz eta segurtasunez igarotzeko deia egin du Joseba Asiron Iruñeko alkateak
Ordu gutxi barru festa lehertuko da Iruñean eta 2026 honetako sanferminen berritasun nagusiak aletu dizkio Joseba Asironek, Udaletxeko balkoian bertan, Maider Arteaga ETBko kazetariari. Errespeturako deia egin du, batez ere emakumeen askatasunarekiko. Jaien izaera herrikoiak iraun izanaz harro agertu da, bere zazpigarren eta legegintzaldiko azken sanferminen atarian.
Asteazkenera arte ez da Renferen trenik ibiliko Arrigorriaga eta Bilbo artean, lanak direla eta
Autobusez ari dira egiten bi udalerrien arteko bidea. Etenak Ibilbide Luzeko trenei eragiten die, Bilbo eta Miranda de Ebro artean. Basaurin, Bidebieta geltokia hobetzeko lanak egiten ari dira, eta horrek eragin du gorabehera.