Euskal Herriko periferiako ikastolei aitortza egin die gaur Euskal Herriko Ikastolen Elkarteak Beskoitzen
Beskoitze omenaldi eta eskertza berezi baten agertoki izan da igande honetan, bertan egin baita, 'Ikastolak Herriari' egitasmoaren barruan, 'Non eta mugan' ekitaldia.
Ekitaldi horren bitartez Euskal Herriko Ikastolen Elkarteak aitortza egin nahi izan die Euskal Herriko periferian, beste lurraldeekiko muga mugetan dauden ikastolei, euskara eta euskal kultura inguru horietan bultzatzeko egiten duten lanarengatik.
Zehazki zortzi ikastolei egin die gaurkoan aitortza hori: Beskoitzeko Ikastola, Sohütako Eperra Ikastola, Zangozako Ikastola, Lodosako Ibaialde Ikastola, Tuterako Argia Ikastola, Vianako Erentzun Ikastola, Oiongo San Bizente Ikastola eta Balmasedako Zubi Zaharra Ikastola.
Nekane Artola Ikastolen Elkarteko lehendakariak azaldu duenez, ikastola hauek "oztopoz betetako ibilbidea egin dute gaurdaino, oso bide aberasgarria ere izan dena" eta ibilbide horrengatik "eskertza eta aitortza" egin nahi izan die elkarteak.
Beskoitzen bereziki hunkiturik hartu dute aitortza eta Euskal Herriko txoko guztietatik zetozenei abegi egiteko ardura. Izan ere, periferiako ikastola hauentzat, berez ere oztopoz betetako bidea izan ohi dena, are zailagoa suertatzen ari da Beskoitzeko Ikastolarentzat azken hilabeteotan, orain arteko lurrak utzi beharko baititu ikasturtea bukatzerako, Herriko Etxeak hala erabakita.
Negoziazioak geldirik daudela azaldu du gaur Beskoitzeko Ikastolako lehendakari Cyril Fesquinek: "Ez dugu ezer. Herriko etxean egin dugun azken bileran ikusi dugu hautetsiek ez zutela ezer prestatuta" eta esan du aste honetan berriro biltzekoak direla Herriko Etxearekin, aterabideren bat topatzeko saiakeran.
Beskoitzen prefabrikatuetan jasotzen dituzte eskolak ikasleek, eta beste ikastoletako kideek azaldu dutenez han argi ikusten da "zenbait ikastolen errealitate gogorra". Hala ere, denek adierazi dute gaurko ekimenak indarrak hartzeko balioko diela.
Aurten Gipuzkoako Ikastolen alde Kilometroak antolatuko dituen Azpeitiko Ikastolako kideak ere Beskoitzen izan dira zortzi eskolei aitortza eginez. Beskoitzeko Ikastolari Kilometroetako logo izango den eguzki-lorearen eskuz eginiko oroigarria ere eman diote: "Eguzki-lorearen hosto guztiak dira desberdinak eta denak beharrezko, eta erdigunetik, gure ikastoletatik, Beskoitzekotik ere, aterako dira euskararen haziak", esan du Azpeitiko Ikastolako kideak.
Zure interesekoa izan daiteke
Gutxienez bi hildako eta sei zauritu Kordoban, abiadura handiko bi tren errailetik atera ondoren
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zihoan hortik eta hura ere erreietatik atera da. Madril eta Andaluzia arteko abiadura handiko trenen zirkulazioa bertan behera geratu da.
Celtako zaleek azazkalak margotu dituzte Borja Iglesiasen alde, futbolariak Sevillan jasotako irain homofoboak salatzeko
Sevillaren aurkako partida bukatu zenean, Sanchez Pizjuanen jokalariak jaso zituen irainen aurrean, gaurko Balaidosko norgehiagokara azazkalak margotuta joatera animatu zituen klubak jokalari eta zaleak. Iglesiasek berak urteak daramatza homofobiaren aurka borrokatzen, eta azazkalak margotuta eramatea izan da bere ezaugarrietako bat.
Auzitegi Gorenera jo du Kermanen familiak Arabako Auzitegiak haren hilkeren "larritasuna murrizten" duela iritzita
Azaroan behin-behineko askatasuna eman zioten erasotzaileari eta epaiketa labur bat egingo zela ebatzi zuen Arabako Auzitegiak, instrukzio epaitegiaren iritziaren kontra.
Pertsona bat hil da Benasquen, elur-jausi batek harrapatuta
Cerler eski estazioan gertatu da ezbeharra. Dirudienez, hainbat elur-jausi izan dira gaur pistetatik kanpo.
Lau gazte atxilotu dituzte Bedian, Euskotrenen tren batean grafitiak egitea egotzita
18 eta 21 urte bitarteko lau gizonezko hartu dituzte atxilo, trenbidean barrikada bat jarri eta Euskotrenen tren batean pintaketak egitea leporatuta.
Hamar pertsona erietxera eraman dituzte Gasteizko lonja batean izandako sutean kea arnasteagatik
Ertzaintzak jakitera eman duenez, igande goizeko zortzi eta erdietan gertatu da. Ikerketa abiatu dute sua zerk eragin duen argitzeko.
Pertsona bat erreskatatu dute Basauriko zubi batetik ibaira erori ostean
Larrialdi zerbitzuek gizon bat erreskatatu dute larunbat honetan, Agirre Lehendakariaren etorbideko zubi batetik uretara erori ondoren.
Ertzaintzak giza gorpuzkiak kiskalita topatu ditu Ortuellan
Ikerketa abian dute gertatutakoa argitu eta istripua izan den edo kriminalitate zantzuak dauden zehazteko. Oraindik ez dute biktima identifikatu.
11 pertsona intoxikatu dira kea arnastuta Baionan piztu den sute batean
Baiona iparraldeko lau solairuko etxebizitza batean piztu dira garrak, 10:30 aldera, eta eguerdirako itzali dute sutea. Sei pertsona ospitaleratu behar izan dituzte.
Maskotekin iruzurrak online egiten zituen sare bat desegin, eta isolatuta zuten 80 urteko gizon bat askatu dute
18 pertsona atxilotu dituzte Bizkaian, eta iruzurgileen 121 biktima identifikatu dituzte, batzuk Gipuzkoan eta Araban.