Euria eta tenperatura jaitsiera, Aste Santuaren atarian
Aste Santua ezegonkor dator eguraldiari dagokionez, eta euria eta tenperaturaren beherakada izango dira protagonista oporraldian, Euskalmet Euskal Meteorologia Agentziaren arabera.
Astelehenak bi zati izango ditu. Goizean, giro lehorra izango da nagusi, eta hego-ekialdeko haizea ibiliko da bizi (03:00etatik 12:00etara, abisu horia dago haizeagatik Araban, Gipuzkoan eta Nafarroako Kantauri isurialdean). Eguerdi inguruan haizeak mendebal/ipar-mendebaldera egingo du eta aldaketa etorriko da; zerua estali egingo da, zaparradak botako ditu eta tenperatura jaisten joango da. Ez da baztertzen egunaren amaieran ekaitzak izan daitezkeenik. Gauean elur-kota jaisten joango da, eta 1.000 metrotik behera koka liteke. Tenperatura minimoak balio freskoetan mugituko dira (6-7 ºC kotaldean), eta hotz egingo du barnealdean (2 gradu, Gasteizen); maximoak eguerdian neurtuko dira: 17-18 ºC Bilbon, Donostian eta Baionan, eta 14 ºC Gasteizen eta Iruñean.
Asteartean giro hotza nagusituko da eta zaparrada batzuk botako ditu. Prezipitazio gehien goizaldean espero dugu; orduak zaparradak edonon botako ditu eta goizeko lehen orduetan mardulak izan litezke ekialdean. Goizak aurrera egin ahala bustitzeko probabilitatea txikiagoa izango da eta egunaren bigarren partean zaparradak noizbehinka soilik botako ditu. Tenperaturak behera egingo du, eta mendebaldeko haizea nagusituko da.
Oso litekeena da 1.000 metrotik behera elurra egitea eta ez da baztertzen elur-maila 800 m inguruan egotea. Hain justu, AEMETek abisu horia ezarri du egun horretarako Pirinioetan, 15 cm-ko lodierak espero ditu 1.000 metrotik gora.
Asteazkenean, hodeiak gailenduko dira zeruan, noizbehinka ostarteren bat zabal daitekeelarik, eta baliteke han-hemenka euri pittin bat egitea, batez ere hegoaldean. Hego-mendebaldeko haizeak gogor joko du, eta horri esker, tenperaturak gora egingo du eta beroenak 14-17 ºC artean ibiliko dira. Azken orduetan haizeak mendebal/ipar-mendebaldera egin, eta mendebaldean euritara jo dezake.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.