Handitu egin da familien kopurua, baina geroz eta bizikide gutxiago dituzte
Familia-unitateen kopurua % 29 hazi da batez beste azken bi hamarkadetan Hego Euskal Herrian: 2001ean 930.180 familia izatetik 2021ean 1.209.484 izatera igaro da. Alta, horietan bizi diren biztanleen kopurua askoz neurri txikiagoan hazi da, % 8 egin baitu gora.
'Etxeen eta familien aldaketa' goiburupean, azken 20 urteotan etxeek eta familiek izan duten bilakaera aztertu du EITB Datak, eta gaur zabaldu dituzte ondorioak EITBko hedabideek. Ikerketak utzi duen izenburuetako bat, honakoa: biztanleria familia kopurua baino gutxiago hazi da.
Zehazki, txostenaren arabera, EAEn orain bi hamarkada baino 201.190 familia gehiago daude (% 24 gehiago), eta Nafarroan, 78.197 (% 35 gehiago). Biztanleria egoiliarra ere hazi da, baina ez neurri berean: 133.331 biztanle gehiago daude EAEn, eta 120.095 gehiago, berriz, Foru Erkidegoan.
Azterketak utzi duen beste datu bat familien tamainari lotutakoa da. Familia gehiago daude, baino geroz eta txikiagoak dira. 2011 eta 2021a bitartean, adibidez, EAEn 2,35 pertsona bizi ziren familiako, eta Nafarroan, 2,52. Kopuru horren beheranzko joera baieztatu dute azken urtebeteko datuek ere, etxe bakoitzean batez beste bi lagun bizi baitira (1991n ia 3 ziren).
Bilakaera oso antzekoa da Espainiako Estatuko erkidego guztietan, eta baita Europako herrialde gehientsuenetan ere, zenbait ñabardurarekin: Suedia da familiako pertsona kopuru txikiena duen herrialdea (1,9).
Zure interesekoa izan daiteke
Zer gertatu da Getxoko Irurak Bat jauregi txikiarekin?
Eraikinaren orubean 12 etxebizitza eraikitzeaz arduratzen zen enpresak hura zaharberritzeko lizentzia zuen, jatorrizko fatxadak mantenduz, tokiko babes maila berezia zuten eta. Hala ere, eraitsi egin zituen, Getxoko Udalaren baimenik gabe.
Xabier Anduaga, 2026ko Urrezko Danborra, festarako prest
Xabier Anduaga tenor donostiarrak aurtengo Urrezko Danborra jasoko du eta San Sebastian Martxa abestuko du, Donostiako Orfeoiarekin batera, Konstituzio Plazan. Familiarekin eta lagunekin gozatuko du momentuaz.
Burgoseko bi paziente onkologikoren heriotzari buruzko ikerketa abiatu du Fiskaltzak
Asteazken honetan, prozesatu aurreko ikerketa-eginbideak abiarazi dituzte, ospitaleak onartu ostean giza akats baten ondorioz bi paziente hil eta zaintzapean dauden hiruri kalteak eragin zitzaizkiela.
Hasi da txotx denboraldia Gipuzkoan!
Petritegi sagardotegian, euskal pilota selekzioa lagun, ireki dute aurtengo sagardoaren lehenengo upela. 3,1 milioi tona dira guztira, eta ezaugarriei dagokienez, arinxeagoa. 46 sagardotegi prest dira gaurtik aurrera bisitariak jasotzeko.
Auzitegi Gorenak espetxealdi iraunkor berrikusgarria ezarri dio Aizarnazabalgo krimenaren akusatuari
Auzitegi Gorenak atzera bota du kondenatuaren defentsak jarritako kasazio-errekurtsoa, eta hilketa hiperastunduaren delitu baten errudun jo du.
Hamaika urteko espetxe-zigorra ezarri diote gizon bati, Zizur Nagusian hilketa saiakera batean biktima paraplegiko uzteagatik
Auzipetuak, Iruñekoa eta nahasmendu psikiko bat diagnostikatuta duenak, 3 milioi euroko kalte-ordaina eman beharko dio biktimari. Gertakarien egunetik behin-behineko espetxealdian egon da, eta, aurrerantzean, ezingo du kaltetuarekin komunikatu ez eta harengana 200 metro baino gutxiagora hurbildu ere, 20 urtez. Gainera, espetxetik atera ostean, zaintzapean egongo da, aske, 10 urte gehiago.
Martxan da Hernanin txotx denboraldian autobusentzako aparkalekua erreserbatzeko sistema
Txotx denboraldiaren kudeaketa hobetzea du helburu erreserba sistema berriak. Autobus pribatuek 60 euroko tasa ordaindu beharko dute (9 eta 34 plaza artean) eta 100 eurokoa, 35 plaza baino gehiagokoek. Dena dela, lehen hiru larunbatetan (urtarrilaren 24an eta 31n eta otsailaren 7an) doan izango da, baina derrigorrez erreserba eginda.
Artxibatu egin dute Iruñeko unibertsitateko karparen inguruan egindako sexu-erasoagatiko salaketa
Erasoa urriaren 23ko gauean gertatu zen, Iruñeko unibertsitate-karpatik gertu. Emakume gazte bat bortxatu zuten, eta Nafarroako Unibertsitate Ospitalera eraman zuten. Ustez inplikatuta zeuden lau gizon atxilotu eta espetxeratu zituzten, baina, DNA probak haien profil genetikoarekin bat ez zetozela egiaztatu ondoren, epaileak aske utzi zituen lau espetxeratuak.
2025. urtea beroenetan hirugarrena izan zen, eta 2023tik izandako batezbestekoak 1,5 °C-ko muga gainditu du
2025ean, munduko batez besteko tenperatura 14,97 °C-koa izan zen, 1991-2020 erreferentziako aldiko batezbestekoa baino 0,59 °C beroagoa. Europan ere 2025a beroenetan hirugarrena izan zen, batez besteko tenperatura 10,41 °C-koa izan baitzen, 2024ko errekorra baino 0,30 °C baxuagoa baina batezbestekoa baino 1,17 °C altuagoa.
Urtebete igaro da Iruñeko Planetarioan sutea gertatu zenetik
Nafarroako Gobernuak eta Planetarioaren kudeatzen duen NICDO enpresa publikoak azaldu dutenez, azpiegitura eraberritu eta zientzia eta astronomiako dibulgaziorako gune bilakatu nahi dute.