Bizkaiko hainbat ikastetxek eskolak lehenago amaituko dituzte ostegunean, trafiko arazoak saihesteko
Hainbat ikastetxek iragarri dute ostegunean eskolak lehenago amaituko direla Athleticen ospakizunak direla medio. Ikastetxeez gain, enpresa batzuek edo Deustuko Unibertsitateak lanaldiak eta eskolak lehenago bukatuko dituztela iragarri dute. Konkretuki, Unibertsitateak eskolak bertan behera utziko ditu 14:00etatik aurrera.
Xedea egun horretarako espero diren zirkulazio-arazoak saihestea da. Eskolen amaiera aurreratu duten ikastetxeen artean daude Urdaneta, Lauro Ikastola, Lauaxeta Ikastola, Larramendi Ikastola, Irlandesas, Colegio Vizcaya edo Askartza Claret.
Ikastolen Elkartetik azaldu dutenez, hasiera batean, hiru ordutegitan ateratzeko aukera emango diete familiei, nahi duena lehenago joan dadin errazteko, baina baita eguerdian seme-alabak hartu ezin dituztenei babesa emateko ere. Are gehiago, ikastetxeren bat aukera ematen ari da ikasleak egun osoan eskoletara ez joateko.
Askartza Clareten kasuan, ikastetxeko zuzendaritzak ohar batean azaldu duenez, "bigarren hezkuntzako ikasleak etxera bidali behar dituzte 12:00etan (bazkaldu aurretik), eta ezingo dute ikastetxean jan, eta haur eta lehen hezkuntzako ikasleek bazkaldu ondoren amaituko dute eskola-eguna, 13:30ean".
Lauaxeta Ikastolak 12:00etan, bazkaldu gabe, ikasleak etxera bidaltzeko asmoa ere du, eta horretarako, gurasoei asteazkeneko 10:00ak baino lehen galdetegi bat betetzeko eskatu die, ikaslea nork hartuko duen zehaztuz. Gainera, seme-alaba bakoitzeko formulario bat bete beharko da.
Zure interesekoa izan daiteke
Aizepe izango da Donostian gizonezkoen danborrada bakarra
Club Cantabrico taldeak aurten emakumeak danbor jole izango dituela jakinarazi du eta, horrenbestez, Aizepe bakarrik geldituko da gizonezkoekin.
Larreinetako funikularrak 100 urte bete ditu
Bizkaiko burdin meategi handienetara errazago heltzeko eraiki zuten, Larreineta eta Zugaztieta auzoak hobeto komunikatuta egon zitezen. Egun ez dago meategirik, baina funikularrak bere lana egiten segitzen du, mendea beteta.
Julio Iglesiasen etxeko langile ohiek sexu-erasoak eta irain fisikoak leporatu dizkiote abeslariari
2021ean izandako sexu-abusuak, zaplaztekoak, ukituak, irainak eta umiliazioak salatu dituzte langile ohiek, artista espainiarrak 77 urte zituenean, etengabeko beldur eta jazarpen giro batean, elDiario.es kazetak argitaratutakoaren arabera. Auzitegi Nazionaleko Fiskaltzak eginbideak ireki ditu urtarrilaren 5ean Julio Iglesias abeslariaren aurka albisteetan deskribatutako gertaerengatik jarritako salaketa aztertzeko.
Adin txikiko bat atxilotu du Ertzaintzak Agurainen, jihadismo erradikalean murgildu delakoan
Argitaratutako oharraren arabera, Ertzaintza eta Polizia Nazionala elkarrekin ari dira ikerketa egiten.
Eusko Jaurlaritzak 8,4 milioi euro bideratu ditu indarkeria matxistaren biktimak laguntzeko 2022tik
Ordainketa bakarreko dirulaguntza da, independizatzeko eta bizitza autonomo bati ekiteko prozesuan indarkeria jasan duten emakumeei laguntzera bideratua.
Guztira 4.630 neska-mutilek parte hartuko dute Donostiako Haur Danborradan, 45 konpainiatan banatuta
Intxaurrondo Haur Danborradako haurrak izango dira aurtengoan haurren danborradako karguak gorpuzteko arduradun. Gainera, Bidebietako Herri Ametsa Ikastolak 50. danborrada izango du arutengoa.
Deepfakeak egitea, irudia eta ahotsak manipulatzea, ohorearen aurkako delitutzat jo du Espainiako Gobernuak
Ohorerako eta norberaren intimitaterako eskubidearen lege-aurreproiektuak delitutzat hartuko du Adimen Artifizialaren bidez baimenik gabe irudiak edo ahotsak manipulatzea, erabiltzea eta zabaltzea. Espainiako Justizia Ministerioak eta Gazteria eta Haur Ministerioak bultzatutako araua da.
Bi paziente onkologiko hil dira Burgosko Ospitalean, tratamenduaren prestaketan izandako akats batengatik
Akatsak beste bi egin die kalte, eta horietako bat zainketa intentsiboetako unitatean ospitaleratuta dago. Eguberriko jaietan izan ziren gertakariak, sendagai baten dosi bat prestatzen izandako akats baten ondorioz. Gaztela eta Leongo Osasun Sailak (Sacyl) adierazi du giza akatsa izan dela, eta bere gain hartu du erantzukizuna.
Ia 20.000 pertsona bizi dira depresioarekin Euskadin, 3.434 kasu diagnostikatu dira 2025ean
Osakidetzak sintomak ezagutzearen garrantzia azpimarratu du, eta laguntza eskatzearena, sintoma horiek denboran luzatzen badira. Euskal gizarteari gogorarazi dio Osakidetzaren osasun mentaleko sarean "behar dutenei laguntza emateko konpromisoa" duten 1.600 profesional daudela lanean.
Euskara Europan ofizialtzeko lanek aurrera jarraitzen dutela ziurtatu du Albaresek
Espainiako Gobernuko Kanpo Arazoetako ministroak ez du eperik jarri nahi, baina ziur dago estatu kide guztiek euskara, katalana eta galiziera Europako erakundeetan hizkuntza ofizial gisa onartzea babestuko dutela.