Lapurdi
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gaur gauera arte luzatu diote atxiloaldia bikotekidearen ezbeharragatik Ziburun atxilotutako gizonari

Igandean, IBIS hoteleko bosgarren solairutik salto egin zuen emakumeak, eta oso larri dago; itxuraz, aurrekariak dituen bikotekidearengandik ihesi.
Ziburuko (Lapurdi) IBIS hotela. Irudia: EITB
Ziburuko (Lapurdi) IBIS hotela. Irudia: EITB

EITB Media

Azken eguneratzea

Ziburun (Lapurdi), bikotekidearen ezbeharragatik igandean atxilotutako gizonari gaur gauera arte luzatu diote atxiloaldia, gertatutakoa indarkeria matxista ote den ikertzen ari baita Polizia.

Itxuraz, bikotekidearengandik ihes egin nahian-edo, emakumeak IBIS hoteleko bosgarren solairutik salto egin zuen, eta oso larri dago.

Polizia-iturri batzuk aipatuta, Sud Ouest egunkariak zabaldu du gizona jadanik "begitan" zutela, indarkeria matxistagatik.

Biktimak 30 urte ditu, eta zauri oso larriak ditu, besteak beste, gerrialdean. Gizona hilketa-saiakeragatik dago atxilotuta.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Emakume bat, oso larri, Ziburuko hotel bateko bosgarren solairutik erori ondoren; bikotekidea, atxilotuta
Gizartea Indarkeria matxista Iparralde Indarkeria matxistaren biktimak Eguneko Titularrak Matxismoa Lapurdi

Zure interesekoa izan daiteke

Gehiago ikusi
Publizitatea
X