Emakume bat eta gizon bat hil dira Ajangizko baserri batean piztutako sutean
Bi pertsona hil dira gaur Ajangizko (Bizkaia) baserri batean piztutako sute batean, Segurtasun Sailak ohar baten bidez jakinarazi duenez.
Hildakoak 71 urteko emakume bat eta 73 urteko gizon bat dira, Auzokoa baserriko (Mendieta auzoko 49. zenbakia) bizilagunak. Beste pertsona bat, emakume bat, Gernikako Ospitalera eraman dute lehenengo, kea arnastuta eta shock egoeran, eta Galdakaoko Ospitalera eraman dute gero.
Ertzaintzak 10:00ak jota zirenean jaso du abisua, eta larrialdi zerbitzuak, osasun langileak eta suhiltzaileak bertaratu dira. Baserriaren barruan hilotz topatu dituzte biak.
Garrek baserriaren lehen solairua kiskali dute; bigarrenak keak eragindako kalteak bakarrik ditu.
Ertzaintzak ikerketa abiatu du zorigaiztoko gertakarien nondik norakoak argitzeko.
Koldo Carbonell Oihartzabal Ajangizko alkateak bertaratu diren komunikabideei adierazi dienez, biktimak "oso ezagunak eta maitatuak" dira herrian.
"Denek ezagutzen zituzten eta haiekin harremana zuten; denak atsekabetuta gaude", esan du, eta baserria monumentu historiko gisa katalogatuta dagoela azaldu du.
Udalak dolu-xingola beltza jarri du udaletxeko ikurrinean, "herriko norbait hiltzen den bakoitzean egiten dugun bezala", alkatearen arabera. Horren hitzetan, gaurkoa "oso egun gogorra izan da herri osoarentzat".
Baserritik gertu dagoen etxe bateko bizilagunaren esanetan, suteaz ohartu direnean "dena kea zen, leihoetatik ateratzen zen, alboetatik... Nire senarra eta hemendik paseatzen ari zen beste gizon bat sartzen saiatu dira, baina hainbeste kerekin ezinezkoa zen".
Baserria duela 6 edo 7 urte erabat zaharberritu zutela ere erantsi du, eta barruan "dena egurrezkoa" zela. Gizona bertakoa zen; haren emaztea eta arreba, berriz, Bilbon jaiotakoak.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.