Palestinaren alde mobilizatzeko deia egin dute Hegoaldeko sindikatuek maiatzaren 17rako
ELA, LAB, CC. OO., UGT, ESK, CGT, Steilas, Solidari, EHNE, Etxalde eta Hiru sindikatuek mobilizazioak deitu dituzte datorren ostiralerako, maiatzak 17, Hego Euskal Herriko lau hiriburuetan eta lantokietan, "Gazako genozidioaren amaiera" aldarrikatzeko eta Palestinako herriari elkartasuna adierazteko.
Komunikatu batean azaldu dutenez, joan den urritik "Palestinak eta bereziki Gazako Zerrendak benetako genozidioa bizi dute Israelen aldetik, AEBk, Europar Batasunak eta nazioarteko komunitatearen zati handi batek eskainitako zigorgabetasunarekin".
Deitzaileek salatu dutenez, "Palestinako herriaren aurkako erabateko gerra hau lurraldea erabat suntsitzea" eta "iragan urritik 35.000 pertsona baino gehiago hiltzea suposatzen ari da, eta horietatik, 14.000 baino gehiago haurrak dira".
"Israelgo gobernua sarraski hori geldiaraztera behartu behar da", adierazi ostean, gaineratu dute premiazkoa dela nazioarteak esku hartzea eta bermatzea Israelek Nazio Batuek lurralde okupatuei buruz emandako ebazpenak beteko dituela, "sistematikoki urratzen ari baita".
Sindikatuek berehalako su-eten iraunkorra eskatu dute eremuan, baita Israeli armak saltzea geldiaraztea eta jarduera komertzial, ekonomiko edo bestelako jarduera guztiak etetea ere, "Palestinan genozidioaren aurka ez dauden erakundeekin".
Deitzaileek eskatu dute EAEko eta Nafarroako erakundeek eta Espainiako Estatuak "Nazioarteko Zigor Auzitegian esku hartzeko adierazpenak" aurkez ditzatela, "Israelen aurkako eskariari babesa emateko".
Halaber, "Palestinaren kolonizazioaren eta okupazioaren amaierari" helduko dion negoziazio eta elkarrizketa prozesu baten alde egin dute, eta "Palestinak nazioarteak onartutako estatu bat izateko duen eskubidea" defendatu ere.
Zure interesekoa izan daiteke
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.