Bi atxilotu A-1 autobian bi furgoneta geldiarazi ostean, pertsonen legez kanpoko trafikoa egotzita
Bi pertsona atxilotu dituzte pertsonen legez kanpoko trafikoa leporatuta, Ertzaintzak A-1 autobian bi furgoneta geldiarazi ondoren, Armiñonen eta Gasteizen. Furgoneta horietan 20 bat pertsona zihoazen.
Atxilotuei pertsona migratzaileen legez kanpoko trafikoa egotzi diete. Indiako eta Pakistango pertsonak garraiatzen zituzten, bidaiaren truke diru kopuru bat kobratuta.
Zirkulazio-kodearen urraketa
Eusko Jaurlaritzako Segurtasun Sailak jakinarazi duenez, Arabako Trafiko Unitateko patruila batek lehen ibilgailua geldiarazi zuen A-1 autobian, Armiñon parean, igande goizaldean, zirkulazio-kodea urratu ostean.
Ertzainek ikusi zuten furgonetan bederatzi pertsona zihoazela, gidariaz gain, eta bidaiaren inguruko bertsio "desberdinak eta inkoherenteak" eman zituztela. Antza denez, furgoneta Portugalera zihoan, eta pertsona migratzaileek diru-kopuru jakin bat ordaindu zuten bidaiaren gastuak ordaintzeko.
Hori dela eta, Ertzaintzak furgonetaren gidaria atxilotu zuen, 37 urteko gizon bat, eta bederatzi bidaiariak Polizia Nazionalarengana eraman zituen.
Atzeko pneumatikoa, baxu
Era berean, Ertzaintzaren Miñoiek bigarren furgoneta geldiarazi zuten astelehen goizaldean, A-1eko zerbitzugune batean, Gasteiz parean, ibilgailuaren atzeko pneumatiko ohikoa baino baxuagoa zegoela egiaztatu ondoren.
Ertzainek ikusi zutenez, bidaiari gehiegi zeramatzan ibilgailuak. Zehazki, gidaria eta beste 13 pertsona zihoazen furgonetan.
Gasteizko ertzain-etxeko agenteek bidaiariak Espainiako poliziaren esku utzi zituzten.
Halaber, 29 urteko gidaria atxilotu zuten, pertsonen legez kanpoko trafikoaren delitua egotzita. Bi atxilotuak epailearen esku geratu dira dagoeneko.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.