Realaren eta PSGren arteko partidaren atarian zauritutako emakumeak jarritako salaketa artxibatu du epaileak
Ustez, Ertzaintzaren jaurtigai batek Donostian larri zauritu zuen emakumearen familiak jarritako salaketa behin-behinean artxibatu du epaileak, EiTB Mediak jakin ahal izan duenez. Tiroaren egilea ezezaguna dela argudiatu du epaileak erabaki hori hartzeko.
Hain zuzen ere, martxoaren 5ean Reale Arena kanpoaldean izan ziren istiluetan zauritu zuten emakumea, Realak eta PSGk jokatu zuten Txapeldunen Ligako partidaren atarian. Emakumeak kolpe handia jaso zuen buruan, belarriaren parean eta 30 metro inguruko distantziatik.
Pertsona hori ere ez zen parte hartzen ari partidaren aurretik izandako liskarretan, Segurtasun Sailak onartu duenez.
Kolpearen unean, Errondo pasealekua banatzen duen erdibitzailean bakarrik zegoen emakumea.
Kasuaren gertuko iturriek EiTB Mediari jakinarazi diotenez, martxoaren 5eko istiluei lotuta sei salaketa aurkeztu ziren eta horietatik gutxienez bi —44 urteko emakumearena eta beste bat— artxibatu egin ditu epaileak. Bi kasu horietan helegiteak aurkeztu ditu defentsak.
Ertzaintzak gertaturikoa ikertzen jarraitzen du
Eusko Jaurlaritzako Segurtasun Sailak ez du ez baieztatu ez gezurtatu auzitegiaren behin-behineko erabakia. Edozein kasutan, Ertzaintzaren ikerketak zabalik jarraitzen duela nabarmendu du, egun hartan gertaturiko guztia argitzen ahalegintzeko.
Segurtasun Sailetik diotenez, emakumeak kolpea jasan zuen, baina oraindik ez dago argi horren jatorria. Ildo horretan, oraindik ez omen dago froga nahikorik, une eta toki horretan Ertzaintzaren kargarik egon ote zen ala ez jakiteko.
Kolpearen uneko irudiak ere eskuratu ditu Segurtasun Sailak, baina ilunak direnez teknikoki hobetu behar omen dira irudi argiak lortzeko. Irudietan ikusten omen da pertsona batek kolpea jaso zuela, baina ez dagoela esaterik nondik iritsi zen kolpatu zuen objektua.
Horrenbestez, Ertzaintzaren ikerketa oraindik ez da amaitu eta informazio berria izan ahala dagokion epaitegiari helarazten jarraituko du, ondorioak aurkeztu arte.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.