150 artista inguruk jaietan EHKSko kolektiboei jarritako "beto ulertezinekin" amaitzeko eskatu dute
150 bat musikarik, aktorek, idazlek, bertsolarik eta beste kultur esparru batzuetako ordezkariek gutun bat sinatu dute "guztiontzako jai herrikoien" alde. Gutun horretan, Bilboko konpartsek eta Gasteizko txosna-batzordeak EHKSrekin lotutako Luberri, GKS eta Etxebizitza Sindikatuari jarritako "beto ulertezinetarako irtenbidea" eskatu dute.
El Drogas, Fermin Muguruza, Gari, Iosu Zabala, Natxo de Felipe, Niko Etxart, Bingen Mendizabal, La Basu, Joseba Irazoki edo Txuma Murugarren bezalako musikariek bat egin dute testuarekin, baita Itziar Ituño, Karra Elejalde, Patxo Telleria, Ramon Agirre, Gorka Aginagalde, Patxi Bisquert edo Ander Lipus bezalako aktoreek ere.
Halaber, Amets Arzallus eta Julio Soto bertsolariak, Bernardo Atxaga, Joseba Sarrionandia eta Hedoi Etxarte idazleak, eta Patxi G. Ardanaz Poio eta Santi Antero Txan Magoa kultur arloko ordezkariak ere elkartu dira ekimenean.
Sinatzaileen ordezkaritza batek agerraldia egin du gaur Bilboko Kafe Antzokian. Bertan, Iosu Zabalak, Hedoi Etxartek eta Patxi G. Ardanaz Poio-k ekimenaaurkeztu dute eta gutuna irakurri dute, "jai herrikoiak maite ditugulako, artistak betoen aurka gaude eta konponbide bat nahi dugu, bai Bilbon eta bai Gasteizen" aldarrikatuz.
Bertan azpimarratzen dutenez, "herriko jaiak kultura-ondasun bat dira, ibilbide desberdinak dituzten pertsona eta kolektibo askoren lanari esker", eta "aniztasuna errespetatuz, ezberdintasun ideologikoen gainetik, jai-giro alaia, parte-hartzailea eta inklusiboa eraikitzen saiatzen dira".
Azaldu dutenez, Bilboko konpartsetan eta Gasteizko txosnen batzordean "kolektibo batzuei ezarritako debekuak kezkatzen dituelako" erabaki dute testua sinatzea, eta egoera horren aurrean "konponbideak irekitzeko" deia egin dute.
"Jaietako parte-hartzeak eskubide unibertsala izan behar du, eta, beraz, ulertezina egiten zaizkigu Bilboko Luberri konpartsari eta Gasteizko GKS eta Etxebizitza Sindikatuari ezarritako betoak", adierazi dute.
Horregatik, "zentzurik gabeko gatazka bakarrik sor dezakeen betoa gainditzeko konponbideak irekitzeko" deia egin dute. Ildo horretan, "gure esku dagoena" egiteko prest daudela adierazi dute, "betoak kendu daitezen" eta elkarte horiek Bilboko eta Gasteizko jaietan parte hartu ahal izan dezaten "berdintasun baldintzetan eta diskriminaziorik gabeko jai eta kultura giroan".
Gutunaren irakurketaren amaieran azaldu dutenez, ekimenarekin bat egin duten artistei ez dagokie talde horien parte-hartzea eragozteko arrazoiei buruzko iritzia ematea, eta, zentzu horretan, egoera "konpontzen saiatzea" baino ez dutela xede nabarmendu dute.
Hala, "batzuentzat beto politikoa" izan daitekeela esan dute, eta "beste sektore batentzat, berriz, txosnagunearen kudeaketaren eskumenen inbasiotzat jo daiteke".
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.