Motozalea harrapatu zuen Bilboko udaltzainak onartu du semaforoa "gorri" eta argirik gabe zeharkatu zuela
Bilboko udaltzain bat arduragabekeriazko homizidioagatik epaitzen ari dira, gidatzen ari zen patruila-autoak hil zen motorzale baten aurka talka egin zuelako. Epaiketan akusatuak aitortu duenez, talka gertatu zen bidegurutzeko semaforoa "gorriz" zeharkatu zuen, larrialdiko argiak itzalita. Udaltzain kopilotuak, berriz, auzipetuak argiak jarri zituela ziurtatu du, baina berak "keinu erreflexu" batean kendu zituela eta "jarrita zeudela sinetsita" zegoela.
Bizkaiko Auzitegiak gaur hartu du Bilboko udaltzain baten aurkako epaiketaren lehen saioa, 2019ko abenduaren 28ko goizaldean motorzale bat hiltzeagatik. Gidatzen ari zen polizia-autoak eta motorrak talka egin zuten, hiriaren erdigunean dagoen bidegurutze batean.
38 urteko motorzalea 2020ko urtarrilaren 4an hil egin zen, Gurutzetako Ospitalean egoera kritikoan egon ostean.
Auzian parte hartzen duten alde guztiek homizidio arduragabetzat jotzen dute gertatutakoa, maila desberdinean bada ere. Hala, hildakoaren familia ordezkatzen duen akusazio partikularrak zuhurtziagabekeria larritzat jotzen du, eta, beraz, delitu horretarako zigorrik handiena eskatzen du: lau urteko espetxe-zigorra. Fiskaltzarentzat, defentsarentzat eta Bilboko Udalarentzat, ordena, arina da, eta horrek isuna baino ez du behar.
Epaiketaren lehen saioan, akusatuak adierazi du, gertakarien gauean, bere nagusiak Moma diskotekara joateko eskatu zionean (Rodriguez Ariasen), istiluak izan zitezkeelakoan, larrialdiko argiak piztu zituen, baina Errekalde zumarkaleatik sartu zirenean Rodriguez Ariasera biratzeko, "antza denez, bertan itzali ziren eta semaforoa fase gorrian gainditu genuen, lehentasunezko argirik gabe", talka gertatu zen bidegurutzean, Iparragirre eta Rodriguez Ariasen arteko elkargunean.
Bestalde, kopilotu gisa zihoan udaltzainak aitortu duenez, Rodriguez Ariasera sartu aurretik argiak kendu zituen, "erreflexuzko keinu batean, Errekalde zumarkalean semaforoa berdean zegoenean". "Berak aktibatu zituen eta nik desaktibatu. Istripuaren ostean itzalita zeudela konturatu nintzen, argien koadroari begiratu nionean, argiak jarrita genituela sinetsita bainengoen", azaldu du.
Hildakoaren arrebak ere lekuko gisa deklaratu du, eta azaldu du anaiak ziklomotorrerako baimena zuela 16 urtetik, motorra erabiltzen zuela "egunero" lanera joateko, eta "motorrak erabiltzera ohituta" zegoela.
Miribillako udaltzain-etxean azaldu duenez, "udaltzainburuak gertatutakoa kontatu zigun, eta errua nire anaiak izan zuela pentsarazi zidan". "Argi eta garbi esan zidan, hitzez hitz, oso erraza zela, semaforoa gorri gainditu zuenak zuen ardura", kontatu du. Udaltzainen aurrean "kikilduta" sentitu zela azpimarratu du, "senarra eta biok inguratu" zituztelako.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.