Drogen kontsumoak % 20 egin du gora azken hamarkadan
292 milioi pertsonak kontsumitu zuten drogaren bat 2022an munduan, orain hamar urteko datuekin alderatuta % 20 gehiago. Kalamua da gehien kontsumitzen dena (% 78), baina oso deigarria da, covid-19aren pandemiaz geroztik, kokainaren produkzioak eta kontsumoak izan duten gorakada, inoizko handiena.
Ondorio horiek utzi ditu, besteak beste, Nazio Batuen Erakundearen Drogen eta Delituen Bulegoak gaur zabaldu duen Drogei buruzko Munduko Txostena 2024 ikerketa-lanak. Ohiko droga kontsumitzaileak eta lehen aldiz probatu dutenak hartu dira kontuan, datu-bilketan. Datu orokorren arabera, kalamuak ditu kontsumitzale gehien (228 milioi), eta atzetik daude opioideak (60 milioi), anfetaminak (30 milioi), kokaina (23,5 milioi) eta estasia (20 milioi).
Ondorengoak dira azterlanaren lerroburu nagusiak:
- 292 milioi pertsonak kontsumitu zuten drogaren bat mundu osoan 2022an. Aurreko urteko (2021) datuekin alderatuta % 1,3 jaitsi bazen ere kopurua, azken hamarkadan % 20 egin du gora kontsumoak.
- Drogen ondorioz osasun-nahasmendua duten 64 milioi pertsonetatik soilik % 9 ari dira tratamendua jasotzen, eta horietatik gehienak gizonezkoak dira. Oro har, emakumeek zailtasun handiagoak dituzte terapia egokiak jasotzeko.
- Droga kontsumitzaile guztien % 75 gizonezkoak dira, eta % 25, emakumeak. Halere, azken horiek GIB birusa kutsatzeko duten aukera % 1,2 handiagoa da, gizonek baino.
- Alde handiz, kalamua da gehien kontsumitzen den droga, % 78, eta ondoren daude apioideak (% 20), anfetaminak (% 10), kokaina (% 8) eta estasia (% 7).
- Koka-hostoaren produkzioa % 12 hazi zen 2021 eta 2022 urteetan; 2.757 milioi tonara iritsi zen ekoizpena, 2021an baino % 20 da hori. Orain arteko markak hautsi ziren.
- Estupefazienteen kontsumitzaileen kopurua nabarmen hazi dela dio ikerketak, eta, bereziki, opioide sintetikoak aipatzen ditu, "osasun publikoarentzat arrisku larria" direla ohartaraziz.
- Droga psikodelikoen "berpizkunde" baten aurrean dago mundua, txostenaren arabera. Droga horien erabilera legeztatu den herrialdeetan substantziok "osasun tratamenduetarako eta esperientzia espiritualetarako" erabiltzen badira ere, NBEk nabarmendu du ez dagoela baieztatuta osasunerako medesegarriak direnik.
- Tramadola eta fentaniloa bezalako opiazeoen kontsumoa nabarmen hazten ari dela ere badio azterlanak, bereziki, Afrikan eta Estatu Batuetan.
Zure interesekoa izan daiteke
17 urteko gazte bat atxilotu dute Gipuzkoan, 764 Sareko Espainiako erreferente nagusitzat jota
Ertzaintzak, Mossos d'Esquadrak eta Guardia Zibilak elkarlanean egindako operazioan atxilotu dute. 2026ko urtarriletik apirilera bitartean ikastetxeen, udalen eta beste erakunde batzuen aurkako mehatxu ugari bidali izana egozten diote.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.
La Oreja de Van Goghen abestiak ardatz, Donostia ezagutzeko tour turistiko bat sortu dute
Lander Agirreurreta donostiarrarekin batera, pop talde ezagunaren abestietan aipatzen diren txokoak bisitatu ditugu.
Txosnetan ez da kontzerturik egongo abuztuaren 5ean Gasteizen, 14an Donostian eta 26an Bilbon
Kontzertu horiek bertan behera geratu dira ikuskizunetako langileek deitutako grebaren ondorioz.
Goizeko auto-ilaren ondoren, normaltasuna berreskuratu du zirkulazioak AP-8an eta A-1ean
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.