Loiun harrapatuta dagoen sahararra asteburuan deportatuko dute Marokora
Ekainaren 23tik Bilboko Aireportuko ez onartuen eremuan dagoen 20 urteko gizon sahararrak bertan jarraitzen du, komandanteak hegazkinera igotzea galarazi ostean, baina azkenean asteburuan eramango dute Marokora. Poliziaren iturriek EITB Mediari esan diotenez, beste saiakera bat egingo dute larunbat honetan, eta horrek kale egingo balu, hirugarren bat igandean.
Hasiera batean, Air Arabia konpainiaren hegaldia berarekin abiatu behar zen Loiutik arratsaldeko hiruretan, baina azkenean ez da horrela izan.
Hegaldiak ez lituzkeela segurtasun bermeak beteko iritzita hartu du komandanteak gaurko hegaldian sartzen ez uzteko erabakia, eta asteburura atzeratu dute deportazioa. Espainiako Poliziaren esku jarraitzen du, eta bertatik jakinarazi dutenez, gazteak ez lioke "oztoporik" jarriko Air Arabiaren beste hegaldi batean, larunbatean, bidaiatzeari. Bestela, igandean egingo luke Vueling konpainiaren hegaldi batean.
Radio Euskadin egin dioten elkarrizketan Javier Galparsoro Zehar-Errefuxiatuekin gobernuz kanpoko erakundeko presidenteak adierazi duenez, asteazkenetik gose greban dagoen gizona ospitalera eraman dute ostiral goizaldean, ondoezik.
Polizia Nazionalak EITB Mediari emandako azalpenen arabera, ospitalera eraman dute osasun probak egitera, baina ez dute ospitaleratu. Iturri horren arabera, atzo 23:20 aldera ospitale batera eraman zuten, baina "ezer larririk ez" zuela egiaztatu ondoren, Bilboko Aireportuko ez onartuen eremura eraman dute berriro, 02:00etan.
Atzo Auzitegi Nazionalak errefusatu egin zuen kautelazko neurriak hartzea, gazte sahararrak asiloa ukatzearen aurka jarri zuen errekurtsoaren aurrean. Hori dela eta, asilo eskatzailea datozen orduotan deportatuko dute, Bilboko Aireportutik Tangerrera 15:00etan atera den hegaldiko komandanteak hegazkinera igotzea galarazi ondoren.
Marokon kartzelan sartuko duten beldur da, jazarritako ekintzaile politikoa dela ziurtatu baitu.
San Joan bezperan iritsi zen saharar ekintzailea Bilboko Aireportura, eta ez onartuen eremuan dute ordutik, Espainiako Gobernuak ez baitzuen onartu hark egindako asilo eskaera.
Sahararraren deportazioa saihesteko eskaera babestu du Zehar-Errefuxiatuekin erakundeak
Zehar-Errefuxiatuekin gobernuz kanpoko erakundeak babestu egiten du ekintzaile sahararraren abokatuek Espainiako Gobernuaren Bizkaiko Ordezkariordetzaren aurrean aurkeztu duten eskaera, gaztearen deportazioa saihesteko.
Erakundea "kezkatuta" agertu da gaztearen osasun egoeragatik, eta harekin zuen zuzeneko harremana eten egin dela baieztatu du.
Javier Galparsoro Zehar-Errefuxiatuekin elkarteko presidentea gazte sahararraren abokatuei laguntza eskaintzen ari da EAEra iritsi zenetik.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.