Alerta laranja muturreko beroagatik ia Euskal Herri osoan
Euskalmetek eta Aemetek alerta meteorologikoak aktibatu dituzte datozen orduetan bero handia espero baita. Gaur, igandea, maximoak 40 gradu ingurukoak izango dira Nafarroan, eta Euskal Autonomia Erkidegoan, berriz, beroenak bihartik aurrera neurtuko dira.
Aemetek alerta laranja ezarri du iganderako tenperatura maximoengatik, 13:00etatik aurrera, ia Nafarroa osoan. Maximoak 39 gradukoak izan daitezke Erriberan eta lurraldearen erdialdean. Pirinioetan, 37 gradura iritsi daitezke maximoak; Nafarroako isurialde atlantikoa soilik libratuko da.
Astelehenean, Aemetek alerta maila bera mantenduko du erdialderako eta Pirinioetarako, 39 graduko maximoak espero baitituzte. Erriberan eta isurialde atlantikoan (Foru Erkidegoko bi muturrak) abisu horia izango da indarrean, tenperatura maximoak 37-38 gradukoak izango baitira Pirinioetan eta hegoaldean.
Asteartean, berriz, Erribera alerta laranjan egongo da, eta erdialdean eta Pirinioetan abisu horia egongo da. Nolanahi ere, 35 gradutik gorako maximoak espero dira, eta 39rainokoak Ebro inguruan.
Euskal Autonomia Erkidegoari dagokionez, Euskalmetek alerta maila laranjara igo du. Igandean, lurralde osoa egongo da abisu horipean muturreko tenperatura altu eta iraunkorrak iragarri dituztelako.
Okerrena astelehenean iritsiko da, barnealde osoa alerta laranjapean egongo baita. Tenperatura maximoak 38 gradu ingurukoak izan daitezke isurialde atlantikoko barnealdean eta 37 gradu ingurukoak Ebro ondoko eskualdean eta iragaite-zonan. Arratsaldean, haizearen aldaketak isurialde atlantikoko barnealdearen egoera arindu dezake.
Astearterako ere, alerta laranja ezarri du Euskalmetek, tenperatura altu iraunkorrengatik. Ipar-haizea kostaldetik barnealdera sartu ahala, tenperaturak jaistea espero da.
Abisu horia egongo da kostaldean bi egunetan, eta tenperatura maximoak 33 gradu ingurukoak izango dira.
Albiste gehiago gizartea
San Joan bezperan Donostiako Konstituzio plazan nagusi izan ohi den lizarraren aurrean dantza egin du Udalbatzak
Udalbatzak, Goizaldi, Arkaitz, Eskola eta Gero Axular taldeetako dantzariekin eta Udal Txistulari Bandarekin batera, Eskudantza tradizionala dantzatu du. Behin Eskudantza amaituta, lizarrari erritua egiteko unea iritsi da. Eneko Goia alkateak lizarra ureztatu du eta, jarraian, dantzariek su eman diote.
Andres Krakenberger: "Pablo Ibarren familia itxaropentsu dago, baina tentuz"
1994an Floridan (AEB) egindako hilketa hirukoitzagatik zigortutako Pablo Ibarren defentsak lekuko berri bat duela ziurtatu du. Lekuko horrek Ibar zigortu zuten krimenaren benetako egileak diren bi pertsona identifikatu ditu, eta horrek Ibar errugabetuko luke. "Egia esaten ari dela frogatzen duten zantzu sendoak daude", ziurtatu du Andres Krakenbergerrek, Pablo Ibar Heriotza Zigorraren Aurkako Elkarteko bozeramaileak.
LEAko arduradunak lanean ari dira, suak kiskalitako instalazioak berreraikitzeko
LEAko langileek aste honetan bertan enpresarekin biltzea espero dute, bere etorkizunari buruzko xehetasun gehiago jakiteko. LEAren zuzendaritza gaur bilduko da lan-arloko abokatu batekin eta lan-ikuskaritzarekin. Arabako Foru Aldundia ere lanean ari da LEAri ahal den neurrian aurrera ateratzea errazteko.
Lau eguneko espetxe-baimena eman diote Alfonso Jesus Cabezuelori, sanferminetako bortxaketagatik zigortutako militar ohiari
Baimena emateko arrazoiak izan dira espetxean jokabide ona izan duela, Psikologiako gradua amaitu duela eta gizarteratzeko hainbat programatan parte hartu duela.
Herriak eta hiriburuak prestatzen ari dira San Juan bezpera ospatzeko, urteko gau magikoena
Suak izango diren lekuak atontzen ibili dira egunean zehar. Eguraldiaren iragarpenaren arabera, litekeena da egunaren amaieran trumoi-zaparradak botatzea. Iruditan, Donostiako prestaketak.
Beroa eta prezipitazioak direla eta, abisu horia ezarri dute astearterako EAEn
Beroagatik ezarritako abisua 12:00etatik 18:00etara egongo da indarrean. Euriagatiko abisua, berriz, 15:00etan aktibatuko da eta gauerdira arte egongo da indarrean.
Motorzale bat larri zauritu da Bidankozen, auto batekin talka egin eta aldapa batetik behera erorita
Ezbeharra igandean jazo zen, 19:45ean, NA-2130 errepideko 8,9 kilometroan. Zauritua Nafarroako Unibertsitate Ospitalera eraman zuten, femurra hautsita zuela.
Zerura begira, San Joan bezperan
Iparraldean ostarteak zabalduko dira, baina adi hegoaldean, iluntzean trumoi-zaparradak botako ditu eta.
Bederatzi pertsona zauritu dira Galdakaon, auto batek harrapatuta
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Joan jaietan. Dirudienez, ibilgailua kontrola galdu du, biribilgune batean irrist egin duelako, eta hesiaren atzean zeuden ikusleak aurretik eraman ditu.
Hainbat zauritu Galdakaon, auto-erakusketa batean
Ezbeharra Urreta auzoko San Joan jaietan gertatu da. Zaurituak Galdakaoko Ospitalera eraman dituzte; hala ere, gehienek ez dute zauri larririk, lehen informazioaren arabera.