Getxoko familiako aitak sendagiria jaso du, eta semeak larri jarraitzen du Nairobiko ospitale batean
Iñigo Lomasek, Ngorongoroko (Tanzania) parke naturalean jeep istripu batean zauritutako aita getxoztarrak, alta jaso du asteazken honetan, EITBk jakin ahal izan duenez. Bien bitartean semeak larri jarraitzen du, saihetsak hautsita eta birikak zulatuta dituela, Nairobiko ospitale batean (Kenya). Ibilgailuaren gidaria ere hil egin da asteazken honetan.
Betalde, ezbeharrean zendutako Elena Renteria eta Ines Lomas ama-alaben gorpuak lehenbailehen Euskal Herriratzeko izapideak bideratzen ari dira erakundeak. Familiako hainbat kide ere Tanzaniara joanak dira, dagoeneko.
Ngorongoron dagoen kraterraren inguruan izan zen istripua, igande arratsaldean. Familia zeraman lur orotariko ibilgailua 600 metrotik amildu zen, eta bi emakumeak bertan hil ziren.
Getxoko Udalak eta Eusko Jaurlaritzak etxekoei doluminak helarazi eta behar duten laguntza emateko prestutasuna adierazi diete. Hala, Gasteizko Gobernuaren Kanpo Harremanetarako Zuzendaritza, Espainiako Atzerri Gaietako Ministerioarekin elkarlanean, Tanzaniako agintariekin harremanetan dago, egoera bideratzen laguntzeko.
Bi adingabeek (alabak 17 urte zituen eta semeak 15 ditu) Ikastetxe Frantsesean ikasten zuten, Zamudion, eta biek biek belar hockeyean jokatzen zuten, mutikoak ikastetxean bertan, eta neskak Getxoko Hockey Stick klubean. Talde hori "atsekabetuta" agertu da zorigaiztoko albistearekin, eta gaurko ekitaldia deitu du Faduran, neska gaztea gogoratzeko.
Ezbeharraren lekuko izan zen gida batek, atzo, Radio Euskadin azaldu zuenez, istripua izan zen lekuan bihurgune oso itxia eta aldapa handia dago. Esperientzia handia behar dela esan zuen, inguru hartan ibilgailu bat gidatzeko.
Tanzaniako toki turistikoenetakoa bisitatzeko jeepetan sei pertsona joaten dira gehienez, eta familia bizkaitarra kolpatutako istripua zerbait puntuala dela azaldu du Lore Uranga Basque Destination bidaia-agentziako kideak.
Zure interesekoa izan daiteke
Eskola jazarpenagatik iaz aztertutako 2.263 kasuetatik 522 baieztatu ditu Hezkuntza Sailak
2024-25 ikasturtean eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.