Bi emakume bizkaitar, ama-alabak, hil dira Tanzaniako parke natural batean jazotako istripuan
Bi emakume bizkaitar, ama-alabak, hil dira Tanzanian (Afrika) gertatutako istripu batean. EITB Mediak familiaren gertuko iturrien bidez jakin duenez, biak Afrikako herrialdean bidaiatzen ari ziren Getxoko (Bizkaia) familia bateko kideak dira. Aita eta 15 urteko semea zauritu dira ezbeharrean.
Hildakoak Elena Renteria (ama) eta Ines Lomas (alaba) dira; zauritutakoak, berriz, Iñigo eta Ignacio Lomas, aita-semeak, hurrenez hurren.
Iñigo Lomasek, abokatua lanbidez, hainbat haustura ditu, baina arriskutik kanpo ei dago. Ignacio semeak saihetsak apurtuta ditu, eta zulatuta izan ditzake birikak; hala, pronostiko larria du. Biak ala biak Nairobiko (Kenya) ospitale batera eraman dituzte.
Bi adingabeek (alabak 17 urte zituen) Ikastetxe Frantsesean ikasten zuten, Zamudion. Ines Lomasek aurten bukatu du Batxilergoa, eta unibertsitatean hasi behar zen irailean. Biek belar hockeyean jokatzen zuten, mutikoak ikastetxean bertan, eta neskak Getxoko Hockey Stick klubean. Taldea "atsekabetuta" dago zorigaiztoko albistearekin.
Getxoko alkatea ere "nahigabetuta"
Amaia Aguirre Getxoko alkateak bere "atsekabea" agertu du Areetako (Getxo) bi herrikideen heriotzaren aurrean, eta familiari bere "dolumin sentituenak" adierazi dizkio.
Udalaren "babes eta prestutasun osoa" azaldu dio familiari, eta "une mingarri hauetan", familiaren intimitatearekiko errespetua eskatu du.
Eusko Jaurlaritzak, halaber, "bere afektu guztia eta doluminik zintzoenak" helarazi dizkio familiari, eta "une zail eta mingarri hauetan behar duten babesa eta laguntza emateko gertutasuna eta prestutasuna" adierazi die.
Jaurlaritzaren Kanpo Harremanetarako Zuzendaritzak agintariekin harremanetan jarraitzen du, ahalik eta laguntza gehien eskaintzeko.
Ibilgailua Ngorongoroko kraterraren inguruan amildu zen
Ezbeharraren lekuko izan zen gida batek Radio Euskadin azaldu duenez, istripua igandean gertatu zen Ngorongoroko kontserbazio-eremuan, Afrikako herrialdearen iparraldean. Gidariak ez zuen nahikoa esperientziarik parke naturaleko mendi-bideetan ibiltzeko, eta ibilgailua 600 metrotan behera erori zen, eta, ondorioz, bi emakumeak hil egin ziren.
Espainiako Atzerri Ministerioak bi emakumeen heriotza baieztatu du, eta zehaztu du, halaber, zauritutako aita-semeak Nairobiko (Kenya) erietxe batera eraman dituztela. "Tanzanian eta Kenyan ditugun enbaxadak, tokiko erakundeekin elkarlanean, zaurituei eta horien familiei ahalik eta gehien laguntzen ari dira", esan dute Ministeriotik.
Afrikako herrialde turistikoenetakoa da Tanzania, baita seguruenetakoa ere. Urtero 1,5 milioi bisitari jasotzen ditu herrialdeak, parke naturalak (Derengueti, besteak beste) eta Zanzibar irlako hondartzak erakarrita.
Zure interesekoa izan daiteke
Berriro itzali dute Derioko sutea, Loiuko aireportutik gertu berpiztu zena
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean ari dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.