"Norberak ezin du, nahieran, emakume ala gizon izatea aukeratu", Bilboko gotzainaren ustez
Joseba Segura Bilboko gotzainaren esanetan, "norberak ezin du bere nortasuna eraiki, gizon izan edo emakume izan, edo bitarteko edozein gauza edo bat ere ez, nahieran, jaio garen gorputzari erreferentzia egin barik". Andre Mariaren Jasokunde eguneko ospakizunetan Begoñako basilikan emandako homilian egin ditu adierazpenok, ostegunean, Juan Maria Aburto Bilboko alkatea eta Ana Otadui Bizkaiko Batzar Nagusietako presidentea, besteak beste, bertan zirela.
Seguraren hitzetan, gaur egun "garai bitxia" bizi dugu. "Gorputz ederraren kultua zabaltzen den bitartean, dieten, gimnasioen eta kirurgia plastikoen bitartez, aldi berean, zalantzan jartzen da gorputz horrek berak murrizketak eta mugak ezar diezazkiokeenik nahi duguna izateko gure borondateari", gaineratu du.
Horren ustez, "garrantzitsua da bereiztea pertsona batzuk beren gorputzarekiko atsekabea sentitzen dutela eta sufritzen dutela onartzea, eta, oso bestelakoa dena, gorputzak zer esanik ez duela dioen ideia inposatzen saiatzea".
"Izateko askatasun bat aldarrikatzen da ezer frogatu edo justifikatu behar ez duena, desira hutsa errealitatea sortzeko gai balitz bezala", erantsi du. "'Zu nahi duzuna izan zaitezke' esaten zaigu, baina badakigu ez dela horrela; izan ere, hala balitz, Athleticeko izarren harrobia, gizonezkoena eta emakumezkoena, ez litzateke inoiz egongo hautagaien faltan", esan du adibide gisa.
Seguraren aburuz, "tamalez, denok ez dugu futbolean jokatzeko balio, ez gara domina olinpikoak irabazteko gai, ez dugu arrainek bezala igeri egiten, ez dugu hegaztiek bezala hegan egiten, eta ez gara dagoeneko garena baino askoz ederragoak izango".
Euskadiko Gazteriaren Kontseiluak Bilboko gotzainaren adierazpen "transfoboak" salatu ditu
Iratxe Uriarte Euskadiko Gazteriaren Kontseiluko presidenteak salatu egin ditu Bilboko gotzainak genero nortasunari buruz esandakoak. Kontseiluko presidentearen iritziz, Seguraren mezua urrun dago elkar maitatzea agintzen duen doktrina katolikotik.
Bilboko gotzainaren adierazpen "transfobo" horiek "EAEn eta Espainiako Estatuan dagoen olatu erreakzionario hori" bultzatzen dutela erantsi du.
Radio Euskadin egin dioten elkarrizketan, "gorrotozko diskurtsoak" baztertu ditu.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.