Alerten lantaldeak mpox mota identifikatzeko bitartekoak areagotzea gomendatu du
Osasun Ministerioak autonomia erkidego guztietako ordezkariak biltzen dituen "epidemien zaintza eta alerten ponentzia" bildu du astearte honetan, mpoxak lurralde bakoitzean duen egoera aztertzeko eta zaintza edo prebentzio gomendioei buruz eztabaidatzeko, larrialdi sanitarioa deklaratu eta gero.
Bertan, deklaratzen ari diren kasu bakoitzaren klatua edo adarra identifikatzearen garrantzia azpimarratu da.
Ildo horretan, ponentziaren barruan bertan infekzioaren aurrean jarduteko protokoloa eguneratuko da, besteak beste, kasu bakoitzaren adarrari buruzko informazioa jaso dadin. Halaber, asteazkenean bilduko den Osasun Publikoaren Batzordeari zenbait gomendio bidaliko zaizkio, eztabaidatu eta onartu ditzan.
Euskadiko Autonomia Erkidegoaren ordezkari gisa, Peio Latasa Eusko Jaurlaritzako Zaintza Epidemiologikoko arduradunak hartu du parte astearte honetako bileran.
Latasak gogorarazi duenez, 2022ko agerralditik aurrera, EAEn gaixotasuna diagnostikatzen eta pazienteak artatzen jarraitu da, batez ere sexu-transmisiozko infekzioen kontsultetatik.
Halaber, txertaketa-programaren gomendioei eutsi zaiela eta arriskuan dauden pertsonei txertoa jartzen jarraitu dela adierazi du.
Osasun Ministerioak astelehenean erabaki zuen ez dituela bidaiatzeko mugak ezarriko, ezta mugetan kontralak jarri ere, Osasun Mundu Erakundearen eta Europar Batasuneko Osasun Segurtasuneko Batzordearen bat eginda. Izan ere, Afrikan zabaldu den mpox-aren aldaera berria Europan zabaltzeko "arriskua txikia" dela uste dute agintariek.
Hala ere, bidaiariei informazio gehiago emango diela, eta aireportuetako agintariekin koordinazioa areagotuko duela, erantsi zuen Ministerioak.
Bestalde, azken 10 egunetan aldaera zaharraren 4 kasu berri agertu direla ere jakinarazi zuen, eta horrek 268ra igo du urte honetako datua.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.