Giro eguzkitsuaren ondotik zaparrada trumoitsuak espero dira larunbatean eta igandean tenperatura jaitsiko da
Uda giroarekin hasiko dugu asteburua, baina aldaketa etorriko da larunbat arratsaldean; izan ere, fronte bat sartuko da eta zaparrada trumoitsuak botako ditu, bereziki ekialdean. Gainera, txingorra ere egin dezake. Igandearen lehen zatian, hodeiak eta euria izango dira nagusi, baina arratsaldean ostarteak zabalduko dira eta atertzera egingo du. Igandeak bi zati izango ditu: hodeiak eta euria nagusituko dira goizean; arratsaldean, aldiz, argitzera eta atertzera egingo du.
Gaur, ostirala, oro har, eguzkia izango da jaun eta jabe. Tenperaturak koska bat egingo du gora kostaldean, eta gainerako tokietan berdintsu jarraituko du edo zertxobait igoko da. Behe-hodei batzuk agertuko dira goizean kostaldetik gertu, baina arratsaldean garbi geratuko da. Gainerakoan, zerua oskarbi egongo da, goizean goi-hodei batzuk izango badira ere.
Larunbatean, hodeiak eta ostarteak tartekatuko dira goizean isurialde atlantikoan, eta zerua oskarbi egongo da lurraldearen erdialdean eta hegoaldean. Arratsaldean, aldiz, hodeiak ugarituz joango dira, eta zaparradak ia edonon bota ditzake. Gainera, baliteke trumoiak jotzea lekuren batean, bereziki ekialdean. Tenperatura maximoetan ez da aldaketarik espero, eta eguerdi partean bero egingo du barnealdean, baina frontea igarotzearekin batera, nabarmen freskatuko du arratsaldean.
Igandea giro goibel eta freskoarekin hasiko dugu. Beherakada nabarmena espero da termometroetan, batik bat barnealdean, eta tenperatura beroenak 19 eta 22 graduren bueltan kokatuko dira lurralde osoan. Egunaren lehen partean, hodeitza trinkoa izango da eta euria egingo du; egunaren bigarren partean, ordea, atertu egingo du eta hodeitza apur bat zulatuko da.
Kontsultatu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.