Sutea
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Sute batek Gasteizko harakintza enpresa bateko bi pabilioi guztiz kiskali ditu

Sua bart piztu zen, Ali-Gobeo industriaguneko pabilioietako batean. Ez da zauriturik izan, baina kalte materialak "oso handiak" dira. Bi pabilioi erre dituzte garrek, eta beste bostetan kalteak daude.
Iragarkia
20240828102311_sutea-gasteiz_
18:00 - 20:00
Sute batek bi pabiloi kiskali eta beste bost kaltetu ditu Gasteizko industriagune batean

EITB MEDIA

Azken eguneratzea

Gasteizko harakintza enpresa batean sutea piztu zen bart, eta bi pabilioi guztiz kiskali dira, Eusko Jaurlaritzako Segurtasun Sailak jakinarazi duenez. Zorionez, ez da zauriturik izan. 

Sua 02:45ean piztu da, argitu gabeko arrazoiak tarteko, enpresaren pabilioietako batean. Lantegia Ali-Gobeoko industriagunean dago, Bekolarra kaleko 2. zenbakian. Gasteizko suhiltzaileen hainbat kamioi eta Ertzaintza bertaratu dira. 06:00etarako lortu dute kontrolpean hartzea. 

Bekolarra kalea itxita dago, suhiltzaileak freskatzeko lanetan daudelako oraindik. 

Behin sua amatatuta, pabilioiak miatuko dituzte, zer dela eta piztu den ikertzen hasteko. 

Kalte materialak "oso handiak" dira, suhiltzaileek zehaztu dutenez. 

Sute batek bi pabiloi kiskali eta beste bost kaltetu ditu Gasteizko industriagune batean
Gizartea Suteak Gasteiz Eguneko Titularrak Suhiltzaileak

Zure interesekoa izan daiteke

Gehiago ikusi
Publizitatea
X