39 milioi pertsona baino gehiago hil daitezke hurrengo 25 urteetan, antibiotikoekiko erresistentziak eraginda
Mikrobioen aurkako erresistentziak osasun globalean duen eraginari buruzko ikerketa baten arabera, baliteke hurrengo 25 urteetan —aurten hasita, 2050. urtera arte— 39 milioi pertsona baino gehiago hiltzea, antibiotikoekiko erresistentziak eragindako infekzioen ondorioz.
Mohsen Naghavi Washingtongo Unibertsitateko ikertzailea buru duen taldeak 1990etik 2021era izandako bilakaera aztertu du, eta 2050era bitartean 204 herrialde eta lurraldetan izan dezakeen eragina kalkulatu.
Azterlan horrek ondorioztatu ahal izan duenez, mundu mailan milioi bat pertsona baino gehiago hil ziren mikrobioen aurkako erresistentziak eraginda, 1990etik 2021era bitartean. Halaber, epe berean arrazoi horri lotutako heriotzak % 50 murriztu ziren 5 urtetik beherako haurren artean eta 70 urtetik gorakoen artean, berriz, % 80 igo.
Ikerketaren arabera, 2022an baino ia % 70 pertsona gehiago hilko dira 2050ean bakterioen antibiotikoekiko erresistentziak eraginda, eta fenomeno horrek adinekoak gehiago kaltetuko ditu. Zehazki, 2050. urtean mikrobioen aurkako erresistentziaren ondorioz 1,91 milioi pertsona hil daitezkeela kalkulatu dute.
Bestalde, kalkulatu dute, 2025etik 2050era, antibiotikoak hobeto erabiltzeak 92 milioi pertsona salba ditzakeela.
Antibiotikoekiko erresistentzia gertatzen da, besteak beste, bakterioek botiken aurrean erantzuteari uzten diotenean.
Albiste gehiago gizartea
EHUk Urrezko Domina emango die Nekane Balluerka, Jose Angel Iribar eta Carlos Garaikoetxeari
Euren gizatasuna eta euskararekiko nahiz herriarekiko konpromisoa azpimarratu ditu errektoretza taldeak Urrezko Domina emateko, besteak beste. Ikasturte hasierako ekitaldian banatuko dira aitortzak, irailaren 10ean Gipuzkoako campusean egingo den ekitaldian, EHUko iturriek jakinarazi dutenez.
EHUk 32 plaza gehiago eskainiko ditu Medikuntzan euskararen adarrean datorren ikasturtean
Horrela, besteak beste, graduko praktika klinikoetan ikasleek eskolak euskaraz jaso ahal izateko neurriak hartuko dira. Guztira, datorren ikasturtean 200 plaza eskainiko dira euskaraz eta beste berrehun gaztelaniaz.
Gizarte langile bati eraso egin diote Bizkaiko Aldundiaren zaintzapeko zentro batean, Bilbon
Langilea Gurutzetako Ospitalera eraman dute, lepoan labana batekin egindako zauriak zituela. Bizkaiko Foru Aldundiak kudeatzen duen etxebizitza horretan bizi den adingabeetako bat atxilotu du Ertzaintzak, erasoarekin lotuta.
Errenteriako familia bat etxegabetuko dute, ama identifikatzean akatsa egin dutelako
Donostiako epaile batek ez du onartu familia zaurgarritasun egoeran dagoela; izan ere, nahastu duten emakumeak Euskaditik kanpo hiru jabetza omen ditu.
Labezomorroen izurritea dute Barakaldon
Uda iristearekin batera labezomorroak itzuli dira. Udalak garbiketa- eta desinfekzio-lanak egin ditu hainbat gune publikotan, estoldetan eta ezkaratz batzuetan, batik bat, Gurutzetan. Eta, guk? Zer egin dezakegu etxean?
Mildiu onddoak gogor kolpatu ditu Arabako Errioxako mahastiak, eta hurrengo mahats-bilketa mehatxatzen du
Aurtengo hezetasun handiak, lainoek eta landaretza zabaltzeak mildiua agertzea bultzatu dute. Are, faktore horiek guztiek onddoa suspertu eta zabalarazi dute, eta ia eskualde osoan hedatu da, bigarren fasean hedatu ere.
Delitu eta larrialdi gutxiago izan dira sanferminen lehen erdian
Sexu-erasoen kopurua % 62 jaitsi da; salaketak, berriz, % 26. Lapurretak izan dira, batik bat.
Zartako eta Radiocrimen taldeek euren baxu-jotzailea kanporatu dute, indarkeria matxistagatik
Instagram sare sozialeko Denuncias Euskal Herria kontuan hainbat erabiltzailek salatu dute musikariak bikotekideei tratu txar fisikoak zein psikologikoak ematen zizkiela.
Hilik aurkitu dute asteartean Gorbeian galdutako mendizalea
Bilaketa lanak uste baino gehiago luzatu dira, ez baitzen baimenik eman desagertuaren telefono mugikorra geolokalizatzeko.
San Fermin jaien erdira iritsita, orain artekoa modu positiboan baloratu du Iruñeko alkateak
Joseba Asiron Iruñeko alkatearen arabera, momentuz "bide onetik" doaz festak eta asteburuari begira ere horrela jarraitzea espero du. Euskadi Irratian egin dioten elkarrizketan azaldu duenez, gaur-gaurkoz ez da sexu eraso larririk gertatu, baina bai, ordea, ekidin beharko liratekeen ukituak.