Terraza, igerileku, parke eta autobus geltokietan erretzeko debekua ezartzea eskatu du Bruselak
Europako Batzordeak gaur eskatu die Europako gobernuei erretzeko debekua gune jakin batzuetara zabaltzeko, erretzen ez dutenek arrisku berezia duten guneak, hain justu; hala nola tabernetako eta jatetxeetako terrazak, haur-parkeak eta igerilekuak eta autobus-geltokiak; era berean, betoa zigarro elektronikoa eta gisako produktuei ere aplikatzearen alde agertu da, nikotina izan zein ez.
"Osasuna bermatuko duen Europar Batasun batean, gure herritarrak, batez ere umeak eta gazteak, kearen eta isuri kaltegarrien eraginpean egotearen aurka babesteko betebeharra dugu", ohartarazi du Stella Kyriakides Osasun komisarioak ohar batean, eta 2040an "tabakorik gabeko belaunaldia" lortzeko konpromisoa berretsi du.
Gomendioa ez da loteslea, estatu kideek baitute osasun-politiken gaineko eskumen esklusiboa, baina Bruselak animatu ditu xede hori estrategia nazionaletara eramatera, estatu bakoitzaren "inguruabarrak eta premiak kontuan hartuta".
"Kearen eta aerosolen eraginpean egotearen aurkako babes-neurri eraginkorrak" beharrezko ikusten dituzten tokien artean jolas-eremuak nabarmentzen dira, bereziki haurrak askotan egoten diren lekuak badira, hala nola haur-parke publikoak, jolas-parkeak, igerilekuak eta zoologikoak.
Era berean, Bruselak aire zabaleko eremuak edo gune erdi estaliak zerrendatzen ditu, hala nola balkoi, teilatu-hegal, ataripe edo patioak, eta baita "jatetxe, taberna, kafetegi eta antzeko lokaletako beste espazio batzuk" ere.
Batzordeak garraio publikorako gune erdi irekiak ere seinalatzen ditu, autobus, tranbia eta tren-geltokiak eta aireportuak, kasurako.
EBko Gobernuaren datuen arabera, 700.000 pertsona inguru hiltzen dira urtero Europar Batasuneko estatuetan tabakoaren kontsumoarekin lotutako gaixotasunen batek jota, nahiz eta horietako batzuen kontsumoa zeharkakoa izan besteen kearen ondorioz.
Zure interesekoa izan daiteke
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du poliziako buru ohia emakumearekin ez komunikatzeko salatzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrei gehien kezkatzen dien beste beldur batzuk dira gertuko senide bat galtzea, osasuna galtzea, itsu geratzea edo minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.
76 urteko gizon bat eta 38 urteko emakume bat atxilotu dituzte, Bilbon, emakume bati sexu-erasoa egiteagatik
Biktima atxilotuekin batera Santutxuko Karmelo kaleko etxebizitza batera igo omen zen.
Dozenaka lagunek justizia eskatu dute Parisen hildako gazte tolosarrarentzat
"Justizia Dalianentzat" lelopean, Parisen hil zuten Tolosako bizilagunaren senide eta lagunek elkarretaratzea egin dute gaur arratsaldean. Martxoaren hasieran aurkitu zuten haren gorpua, Frantziako hiriburuko etxebizitza batean.
Bi gizon inputatu dituzte Artxandako hilketagatik, eta beste hiru krimen hura ezkutatzeagatik
2023ko abuztuan, gizonezko baten gorpua aurkitu zuten, zatituta eta erreta, maleta baten barruan, Artxandan dagoen abandonatutako eraikin batean.
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.
Osakidetzako proba diagnostikoen irudiak ikusgai, Osasun Karpetaren bidez
Iaz, 592.888 herritarrek erabili zuten Osasun Karpeta eta 8,2 milioi sarbide izan zituen. Interesa dutenek irudietara sartzeko eskaera online egiteko aukera izango dute.
Eusko Jaurlaritzak 271 milioiko inbertsioa egingo du hezkuntza sistemaren eraldaketa digitala bultzatzeko
ADIMEN DIGITALA estrategiak software librean oinarritutako hezkuntza-plataforma propioa ahalbidetuko du, irakasleen prestakuntza digitala indartuko du eta euskarazko hezkuntza-edukiak sustatuko ditu.