Ur zikinen azterketek diote EAEn anfetamina kontsumoa Estatuan baino 30 aldiz handiago dela
Araztegietako ur zikinen azterketek informazio ugari ematen dute; uraren kalitatea neurtzeko ez ezik, gaixotasunak atzemateko edota droga ohiturei buruzko datuak ateratzeko ere baliatzen dira analisi horiek, besteak beste.
Hala, Drogen eta Adikzioen Espainiako Behatokiak kaleratu berri duen ikerketak azken urteotako joera berretsi du: EAEn anfetamina kontsumoa Estatuan baino 30 aldiz handiago da, ur zikinen azterketen emaitzen arabera.
Azterketak mahai gainean jarri dituen datuak ondorengoak dira: anfetaminaren asteko kontsumoaren batez bestekoa 679-2.796 miligramokoa da egunean, 1.000 biztanleko. Estatuko gainerako erkidegoetan, berriz, substantzia horren kontsumoa nabarmen baxuagoa da: 9-103 miligramo eguneko.
Astean zeharreko eta asteburuetako ur zikinen laginak alderatuta, anfetamina kontsumoa % 19 handiagoa da asteburuetan EAEn, eta % 7 handiagoa Estatuan. Datuok, ikerketaren egileen arabera, erakusten dute aisialdiko testuinguruan kontsumitzen dela gehiago droga mota hori.
Azterlanak zehazten duenez, kokainaren eta anfetaminaren kontsumo mailak "nahiko parekatuta" daude Euskadin. Batez beste, egunean 2.000-2.600 miligramo kokaina kontsumitzen dira (1.000 biztanleko).
Bost urte daramatza Euskal Herriko Unibertsitateak ikerketa honetan parte hartzen. Estatuko hiriburu nagusienetako araztegietako laginak aztertzen dira.
Nestor Etxeberria EHUko Kimika doktoreak azaldu du EAEn herri txikietako zein handietako laginen emaitzak oso antzekoak direla, droga kontsumo ohiturei dagokienez.
Hasieran, Bilbao Bizkaia Ur Partzuergoko urak aztertzen hasi ziren, baina urtez urte, araztegi gehiagotako ur zikinetako laginak batu dituzte ikerketara. "Araztegiek guk egiten dugun bizimoduaren islada zuzena dira", esan du Etxeberriak.
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.