Pertsona bat atxilotu dute, Zazpikaleetan etxegabetze bat gelditzen saiatzeko egindako protestan
Tentsio uneak bizi izan dira gaur goizean Bilboko Zazpikaleetan, etxegabetze bat eragozten saiatzeko elkartu direnen eta Bilboko Udaltzaingoaren artean. Azkenean, etxegabetzea gauzatu eta pertsona bat atxilotu dute, Azet Etxebizitza Sindikatuak eta Bilboko Udaltzaingoak jakinarazi dutenez.
Azet Etxebizitza Sindikatuak erresistentzia deialdia egina zuen Artekalen, eta goizeko lehen ordutik dozenaka pertsona elkartu dira, kartelak eskuan hartuta.
Deitzaileek azaldu dutenez, asmoa hiru gazte immigranteren kaleratzea "gelditzea" eta gutxienez urri erdialdera egingo den epaiketara arte atzeratzea zen. Sindikatuko bi kide komitiba judizialarekin negoziatzen aritu dira etxegabetzea saihesteko, baina ez dute lortu.
Komitiba judiziala erretiratzen ari zela, protesta egiteko elkartu direnetako batzuk atarian sartzen ahalegindu dira, eta, ondorioz, tentsio uneak sortu dira beraien eta udaltzainen artean. Are gehiago, Azet Etxebizitza Sindikatuko kide bat atxilotu dute.
Hori guztia dela eta, Azet Etxebizitza Sindikatuak manifestazioa deitu du 19:00etarako, Done Jakue plazan, kaleratzea salatzeko eta kaleratuei eta atxilotuari elkartasuna adierazteko.
Bilboko Udaleko iturriek azaldu dutenez, komitiba judiziala irteten ari zela pertsona batzuk atarian sartzen saiatu dira. Hori dela eta, pertsona bat atxilotu dute erresistentzia larria leporatuta eta beste bat salatu dute.
Zure interesekoa izan daiteke
Gizon bat hil da Legution, auto batek eta furgoneta batek talka eginda
Istripua errepideko 22. kilometroan gertatu da, Barazar mendaterantz doan errepidean, auto batek eta furgoneta batek talka egin dutenean.
Mahatsik gabe eta gominolekin: Haurrak protagonista, Basaurik eguerdian 2025ari agur esan dio
Eguerdiko 12:00etan kanpaien hotsarekin 2025ari agur esan diote Basaurin, haurrek urte-aldaketa giro onean eta ordutegi egokian ospatu dezaten. Gauerdira arte itxaron gabe, merkatari elkarteak antolatzen duen festa urtez urte sendotzen doa; gero eta familia gehiagok parte-hartzen dute. Arizgoitiko plazan bildu dira ume eta guraso ugari, jai giroan. Kanpaiekin batera, mahatsak beharrean, 12 gominola jan dituzte.
Zer egin behar dugu eta zer ez Gabon zaharreko afarian norbait mahatsekin trabatzen bada?
Gurutze gorriak gogorarazi du nola jokatu behar den Gabonetako otorduetako larrialdi kasuen aurrean, bideo baten bitartez.
41 pertsona hil dira aurten trafiko istripuz Euskal Autonomia Erkidegoan, iaz baino lau gehiago
Heriotza kopuruak nabarmen gora egin du Araban (16), zazpi hildako gehiagorekin, aldiz jaitsi egin da Gipuzkoan (16) eta mantendu, berriz, Bizkaian (9).
San Silvestre lasterketak: urtea korrika eta festa giroan amaitzeko aukera ezin hobea
Hego Euskal Herriko hiriburuei dagokienez, San Silvestre lasterketa 12:30ean hasiko da Gasteizen, 16:30ean Bilbon eta 16:45ean Iruñean.
Mahatsak zuritu eta luzeka lau zatitan mozteak eztarria trabatzea saihets dezake 5 urtetik beherakoetan
Adituek argi diote ahal den heinean saihestu egin behar dela haur txikiek mahats osoak, fruitu lehorrak edo gozoki gogorrak jatea, eta janez gero, beti heldu bat ondoan dutela egin behar dutela. Gainera, eztarrian geldituz gero nola jokatu azaldu dute.
Hauek izango dira Euskadin 2026an egingo diren epaiketa nagusiak: hilketa matxistak, homizidioak eta Osakidetzako oposizioen ustezko filtrazioak
Hainbat prozesuk interes judiziala izango dute ardatz datorren urte osoan.
Bilbok etiketarik gabeko ibilgailuentzako epea itxiko du gaur Emisio Gutxiko Eremuan
Abenduaren 31tik aurrera, A ingurumen mailako auto gehienak ezin izango dira herriko erdigunera sartu, salbuespen zehatzak izan ezik. Beraz, zer ibilgailuk jarraitu ahal izango dute EGEn sartzen?
Pirotekniaren erabilerari buruzko araudia: debekatuta Donostian eta Iruñean, 15 minutuko baimena Gasteizen eta arduraz jokatzeko deia Bilbon
Eusko Jaurlaritzako Segurtasun Sailak eta udalek pirotekniari buruzko araudia errespetatzeko eta suziriak eta petardoak erabiltzean kontu handiz ibiltzeko eskatzen die herritarrei.
Eneko Arrastuari azken agurra Irunen
Mendizalearen gorpua atzo gauean heldu zen Irunera. Hil-kapera Arasoko Enalta beilatokian dago, 10:00etatik 14:00etara eta 16:00etatik 20:00etara eta hileta-elizkizuna larunbatean izango da, Santa Maria del Juncal elizan.