Gazte gasteiztar bat askatu dute, Burgoseko etxebizitza batean bost egunez atxikita izan ostean
Ama bat eta haren semea kartzelan sartu dituzte Burgoseko etxebizitza batean 24 urteko gazte gasteiztar bat bere borondatearen aurka giltzapetuta edukitzea leporatuta. Poliziak legez kontrako atxiloketa egotzi die.
Eusko Jaurlaritzako Segurtasun Sailak ostegun honetan man du operazioaren berri. Ertzaintzak eta Polizia Nazionalak modu koordinatuan jardun dute, eta bahitutako gaztea askatu dute.
Polizia-operatiboa irailaren 13an jarri zen martxan. Gasteizen bizi den gaztearen senideek desagertzeagatiko salaketa aurkeztu zuten Ertzaintzaren aurrean, aurreko arratsaldetik ez baitzuten haren berririk, eta telefono-dei bat jaso zuten, hura askatzeko dirua eskatzen.
Ertzaintzaren ikerketaren arabera, litekeena zen Burgosen egotea. Hori dela eta, hilaren 17an, asteartea, Burgosko probintziako poliziarekin koordinatuta, zaintza-dispositibo diskretu bat ezarri zuten gaztea atxikita egon zitekeen etxebizitzaren inguruan.
Berehala, agenteek biktimaren ibilgailua aurkitu zuten hiriaren erdialde-iparralde barrutiko eraikin baten inguruan.
Burgosko Polizia Judizialeko Brigadako kideek, Ertzaintzaren Operazio Berezietako Taldearen laguntzarekin, gaztea aurkitu eta askatu zuten, hilaren 18an. Gazteak itxura atsekabetua zuen, baina osasun-egoera onargarrian zegoen.
Hala ere, Burgosko Unibertsitate Ospitalera eraman zuten, arta zezaten.
Susmagarria zen gaztea eta haren ama atxilotu zituzten, legez kontrako atxiloketaren ustezko erantzule gisa.
Gainera, etxebizitzaren miaketan, agenteek material informatikoa atzeman zuten, eta aztertzen ari dira, gertatutakoa hobeto argitzeko interesgarria izan daitekelakoan.
Gaztea atxiki zuten logelak giltzarrapoa zeukan kanpotik, eta horrek gainerako geletara irtetea eragozten zion.
Gatibualdian, elikadura eta garbiketa pertsonala murriztu zizkioten. Gainera, ibilgailuko giltzak kendu zizkioten.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.