1.800 euroko isuna ezarri diote Bilboko udaltzain bati, motorzale baten zuhurtziagabekeriazko hilketa egotzita
Bizkaiko Probintzia Auzitegiko lehen sekzioak sei hilabeteko isuna, eguneko 10 euroko kuota ordainduta (1.800 euro), ezarri dio Bilboko udaltzain bati, zuhurtziagabekeriaz jokatu eta motorzale bat hiltzea egotzita. Motorzalea agenteak gidatzen zuen ibilgailuaren aurka talka egin ostean hil zen.
Euskal Autonomia Erkidegoko Justizia Auzitegi Nagusiak ondorioztatu duenez, udaltzainari zuhurtziagabekeriazko giza hilketaren delitu ez hain astuna egin izana egozten zaio, bidegabeko atzerapenen aringarriarekin.
Isunaz gain, auzitegiak zortzi hilabetez ibilgailu motordunak gidatzeko eskubideaz gabetzea ezartzen dio, eta Bilboko Udalaren aseguru-etxe eta konpainia subsidiario baten erantzukizun zibil zuzenarekin, hildako motor-gidariaren gurasoei 112.183 euroko kalte-ordaina eta haren arrebari 14.862 eurokoa ematea ezartzen du.
Prozedura horren xede diren gertakariak 2019ko abenduaren 28ko goizaldean gertatu ziren. Akusatua eta lankide bat ibilgailu ofizialarekin patruilatzen ari ziren Bilboko erdigunean, eta diskoteka batera joateko eskatu zieten, istilurik gerta zitekeelakoan.
Epaian jasotzen denez, agenteek "egoera premiazkotzat" jo zuten, larrialdietako argiak piztu zituzten eta diskotekara joan ziren.
Une jakin batean, kopilotuak argiak "itzali" zituen, gidariari "abisatu gabe", eta lehenengoak hori aitortu zuen epaiketan. Bidegurutze batera iritsitakoan, polizia-autoak ez zuen semaforo gorria errespetatu, eta "larrialdiko argirik eta hots-seinalerik gabe" sartu zen kalean. Hala ere, gidatzen ari zen agenteak uste zuen argi horiek "aktibatuta zeudela semaforoa gorriz igarotakoan".
Semaforo berdea ikusita elkargunetik igarotzen ari zen motorzale batek poliziaren ibilgailuaren atzeko atearen kontra talka egin zuen, eta kolpearen ondorioz hil zen.
Poliziaren ibilgailua 45 kilometro orduko abiaduran zihoan, eta motozikleta 64 km/h-ko abiaduran. Istripuaren eremuan baimendutako gehieneko abiadura 30 km/h-koa zen.
Akusazio partikularrak epaiketan adierazi zuen zuhurtziagabekeria larritzat jo behar zela, eta Fiskaltzak eta defentsak, berriz, larritasun gutxiagoko kalifikazioa defendatu zuten.
Albiste gehiago gizartea
Baso-suteak sortzeko arrisku "handia" eta "oso handia", Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.