Landare-jatorriko produktuak izanagatik, "saltxitxa" edo "xerra" izendatzeko baimena eman du Europak
Europar Batasuneko Justizia Auzitegiak ostiral honetan ebatzi duenez, baimenduta dago haragi-produktuen berezko terminoak erabiltzea, hala nola "saltxitxa" edo "xerra", landare-proteinaz egindako produktuetarako, berariazko izen juridikorik ematen ez den bitartean.
2022an abiatutako auzia da, urte horretan Frantziak dekretu bat onartu baitzuen landare-proteinak dituzten produktu eraldatuak izendatzeko "bistec" edo "saltxitxa" izenak erabiltzea debekatzeko, "begetala" edo "sojazkoa" bezalako zehaztapen gehigarririk erantsi gabe. Neurriaren aurka helegitea aurkeztu zuten Frantziako justiziaren aurrean produktu begetarianoen kontsumoa sustatzen duten hiru elkartek eta enpresa batek, eta Frantziako auzitegiak Luxenburgokoari horren inguruan galdetzea erabaki zuen.
Bada, EBko Justizia Auzitegiak ebatzi du EBko elikagaiei buruzko informazioaren erregelamenduak aurreikusten duela elikagaiaren izena haren "izendapen juridikoa" izango dela, eta, izendapen juridikorik izan ezean, "ohiko izena" erabiliko dela, eta, halakorik ez balego, berriz, elikagaiaren "izendapen deskribatzailea" emango dela.
Horrela, Justizia Auzitegiak honako hau ondorioztatu du: "Izendapen juridikorik eman ez denean, estatu kideek ezin dute eragotzi, debeku orokor eta abstraktu baten bidez, landare-proteinadun elikagaien ekoizleek elikagai horien izendapena adierazteko betebeharra betetzeko ohiko izendapenak edo izendapen deskribatzaileak erabiltzea".
Hala ere, zehaztu duenez, agintaritza nazional baten ustez elikagai bat saltzeko edo sustatzeko modu jakin batek kontsumitzailea engainatzen badu, enpresaren aurka egin ahal izango du.
Zure interesekoa izan daiteke
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.
Euskal panettone bat Italian lehiatuko da nazioarteko final handi batean
Markina-Xemeingo Tate gozotegiaren panettonea urteko panettone iberiko onenaren finalean lehiatuko da, beste hamarrekin batera. Martxel Iridoy gozogileak bere panettonearen osagaiak argitu dizkigu.
220 ibilgailu eta 384 langile prest daude Nafarroan, neguak errepideetan sor ditzakeen arazoei aurre egiteko
'Neguak ez zaitzala errepidean ustekabean harrapatu' goiburupean, kanpaina abiarazi du Foru Gobernuak, herritarrek ibilgailuak prest izan ditzaten.
Jorge Bermudez: “Adingabeen delituzko portaeraren ondoriozko neurriak gurasoen gain erori daitezke”
Jorge Bermudez Gipuzkoako Fiskaltzako bozeramaileak jakinarazi duenez, 14 urtetik beherakoek adin nagusikoentzat delitutzat hartuko liratekeen egintzak egitea gurasoen zaintza- eta heziketa-eginkizun desegokiaren ondorio izan daiteke. Hori dela eta, halakoetan, izaera zibileko edo administrazioko neurriak har daitezkeela iragarri du, familiei zuzenduta.
Oteizako azpiestazioaren atzean "espekulazio energetikoa" dagoela salatu dute
Tierra Estella No se Vende herri plataformak ziurtatu du azpiegiturak ez diela erantzuten "eskualdeko energia beharrei", eta 66 kVtik 220 kVra jauzi egiteko ze arrazoi dauden justifikatzea eskatu du.