7 urte eta erdiko kartzela zigorra ezarri diote Sestaon senarra hiltzeko sikario bat kontratatu zuen andreari
Bizkaiko Lurralde Auzitegiko 6. sekzioko epaitegiak 7 urte eta erdiko kartzela zigorra ezarri dio Sestaon (Bizkaia) senarra hiltzeko sikario bat kontratatu zuen emakumeari, eta 6 urtekoa, erasotzaileari.
Gertakariak iazko urtarrilean jazo ziren, eta bi auzipetuen helburua hori bazen ere, azkenean "ez zuten lortu hiltzea" —sikarioak zauritu egin zuen—.
EAEko Auzitegi Nagusiak ohar bidez eman du epaiaren berri. Zehaztu duenez, alde guztiek (Fiskaltza, defentsa eta akusazio partikularra) adostutako epaia izan da, bi auzipetuek egindakoa aitortu baitzuten epaiketan.
Epaileek uste dute emakumea ezinbesteko laguntzailea izan zela hilketa saiakeraren delituan, eta bikotekide izateagatik astungarria ezarri diote. Gizona ere delitu beragatik zigortu dute; kasu honetan ez da astungarririk ebatzi.
Kartzela zigorraz gain, biktimari 1.025 euroko kalte-ordaina eman beharko diote egindako lesioengatik. Halaber, biktimarekin harremanetan jartzeko eta berarengana 1.000 metro baino gutxiagora hurbiltzeko debekua ere ezarri diete —15 urtez, emakumeari, eta 12 urtez, gizonari—.
Epaiak frogatutzat jo du emakumeak sikario bat kontratatu zuela "4.000 euroren truke senarra hil zezan".
Hilketa saiakera 2023ko urtarrilaren 13an gauzatu zen, 22:00etan, bikotea Sestaon aparkatutako auto baten barruan zegoenean. Une jakin batean, emakumeak dei bat jaso zuen itxurak egin zituen, eta autoko atzeko atea zabalik utzi zuen. Handik sartu zen sikarioa. Biktima aurpegian kolpatu zuen eta lepoan hainbat labankada eman zizkion, epaiaren arabera. Biktimak aurre egin zion erasotzaileari, eta borrokan aritu ziren, sikarioak ihes egin zuen arte.
Epailearen arabera, senarra hiltzeko "beharrezkoak ziren ekintza guztiak burutu zituzten", azkenean "lortu ez bazuten ere".
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.