Onkologikoaren alboko aparkaleku kopurua nabarmen murriztu da, Donostia Ospitaleko lanak direla eta
Gaurtik aurrera, Donostia Ospitalean aparkatzea are zailagoa izango da. Aparkalekua dagoen tokian protoiterapia unitatea eta kanpo kontsulten eraikin berria eraikitzeko lanak hasiko dira eta, ondorioz, hainbat plaza kendu egingo dira.
Bi eraikin berriek lur azpiko aparkalekuak izango dituzte, baina lanek iraun bitartean nabarmen murriztuko da plaza kopurua.
Aurreikuspenen arabera, behin-behineko aparkalekua abendurako prest egongo da, oraingoaren alboko lursail batean. Hala ere, 800 plaza inguru ditu gaur egungoak eta 230 baino ez behin-behinean egingo denak.
Gauzak horrela, gaur egun Donostia Ospitalean ibilgailua uzteko dauden arazoak areagotu egingo dira.
Protoiterapia unitatea
Minbizia tratatzeko eraikiko duten protoiterapia unitatea egiteko epea 24 hilabetekoa izango da, eta 60 milioi euroko kostua izango du.
Unitate berriak abangoardiako teknologia izango du, minbizia duten pertsonek izan ditzaketen arriskuak murriztuko dituena. Protoiterapiak protoiak erabiltzen ditu X izpien edo elektroien ordez, eta, horren bidez, erradiazioa gehiago lokalizatzea lortzen da. Horrela, murriztu egiten dira ondorio kaltegarriak eta tumoreak berriz garatzeko arriskua.
Erradioterapia-modalitate horrek 28 milioi euro balio du, eta oso leku gutxitan ezarri da. Euskal Autonomia Erkidegoak eta beste erkidego mugakide batzuek Amancio Ortega Fundazioak emandako azeleragailu bana erabili ahal izango dute (guztira, hamar eman ditu).
Eraikin berriak 9.625 metro koadroko azalera eraikia izango du, lau solairutan banatuta, baina espazio nagusia tratamendu-bunkerra izango da. Gainera, kontsultetarako, diagnostikorako eta plangintzarako eremuak izango ditu.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.